Ar Voudenn

Ar Voudenn
Ar maerdi.
Anv gallaouek	La Mott
Anv gallek (ofisiel)	La Motte
Bro istorel	Bro-Sant-Brieg
Melestradurezh
Departamant	Aodoù-an-Arvor
Arondisamant	Sant-Brieg
Kanton	Loudieg (betek 2015) Mur(abaoe 2015)
Kod kumun	22155
Kod post	22600
Maer Amzer gefridi	Henri Flageul 2020-2026
Etrekumuniezh	Loudieg Kumuniezh - Kreiz Breizh
Bro velestradurel	Bro Kreiz Breizh
Lec'hienn Web	(fr)Ti-kêr
Poblañsouriezh
Poblañs	2 159 ann. (2022)
Stankter	50 ann./km²
Douaroniezh
Daveennoù lec'hiañ	48° 14′ 09″ Norzh 2° 43′ 52″ Kornôg
Uhelderioù	kreiz-kêr : 240 m bihanañ 96 m — brasañ 278 m
Gorread	43,03 km²
Ar Voudenn

Ar Voudenn zo ur gumun e Breizh, e kanton Mur e departamant Aodoù-an-Arvor.

Anv

• Régis de Saint-Jouan ː la Motte Gargajan 1687 ; la Motte, 1695.
• Bernard Tanguy ː La Mote, 1307 ; La Motte, 1640 ; La Motte Gargajan, 1687, 1689 ; La Motte, 1695.
• Erwan Vallerie ː la Mothe Gargan, 1630 ; La Motte Gargajan, 1687.

Ardamezioù

N'eus ket evit ar poent.

Istor

Dispac'h Gall

• 25 Gouere 1799 ː taget eo gwetur tailhoù arondisamant Loudieg gant chouaned Pierrot (Robinault de Saint-Régent). 32 000 lur gall a zo aet ganto.
• 9 Gwengolo 1800 ː troc'het eo gwezenn ar Frankiz gant ar penn chouan Dujardin.
• 24, 28 C'hwevrer ha 28, 29 Meurzh 1801 : preizhet ez eus meur a lojeiz gant chouaned Dujardin.

XIX^vet kantved

• Brezel 1870-1871 : mervel a reas 20 soudard eus ar gumun.

XX^vet kantved

Brezel-bed kentañ

• E mizioù Meurzh hag Ebrel 1918 e teuas 20 repuad eus departamantoù gall Oise ha Somme betek Ar Voudenn abalamour d'an dagadenn alaman boulc'het e miz Meurzh.
• Mervel a reas 173 gwaz abalamour d'ar brezel hervez monumant ar re varv, da lavaret eo 7,33 % ag ar boblañs hervez an niveradeg bet graet e 1911. Pemp anezhe a varvas e Belgia e miz Eost 1914, e penn-kentañ ar brezel : d’an 22 e voe lazhet ur soudard eus an 71vet Rujumant Troadegiezh e Falisolle ha mont a reas diwar wel en Auvelais ur soudard eus an 70vet Rujumant Troadegiezh ; diwezhatoc’h, d’an 28, e varvas ur soudard eus an 19vet Rujumant Troadegiezh e Maissin hag unan eus an hevelep rujumant e Saint-Hubert abalamour d’e c’hloaziadennoù ; d’ar 5 a viz Gwengolo, ur soudard eus ar 1añ Rujumant Troadegiezh Trevadennel a varvas e Marbehay d’ar 6 a viz Gwengolo abalamour d’e c’hloaziadennoù ; d’an 22 a viz Ebrel 1915 e voe lazhet e Boezinge e Flandrez Belgia ur soudard eus ar 74vet Rujumant Troadegiezh Tiriadel ha mont a reas ur soudard eus an hevelep rujumant diwar wel er memes lec'h ; en hevelep devezh e voe lazhet ur soudard eus an 71vet Rujumant Troadegiezh e Pilkem.

Eil Brezel-bed

• Mervel a reas 12 den eus ar gumun abalamour d'ar brezel.

Monumantoù ha traoù heverk

• 
  An iliz katolik.
• 
  Ar groaz.
• 
  Monumant ar re varv.

• Tri feulvan Port-Coëpzenet (Nevezoadvezh ar maen).
• Kamp koad Loudieg (Nevezoadvezh ar maen).
• Moudenn ha klozadur la Douve-aux-Louais (Krennamzer uhelañ).
• Iliz katolik Itron-Varia-Lourdes (1722-1742-1757).
• Iliz katolik Sant Visant Ferrer(1748-1749); an tour eus 1724.
• Kroaz "La Douve-aux-Louais" (XVIIIvet), ha feunteun an deoliezhoù.
• Monumant ar re varv e Leurgêr ar Maerdi, luc’hskeudenn.
• Plakennoù ar re varv (1914-1918 ha 1939-1945) en iliz katolik, luc’hskeudenn.

Emdroadur ar boblañs abaoe 1962

Niver a annezidi

Tud

Ardamezeg ar familhoù

Artur Aotrounez al lec'h. En glazur e greskenn en aour, heuliet gant div steredenn ivez en aour.>

Liammoù diavaez

• Ar Voudenn war lec'hienn Geobreizh

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (fr)Régis de Saint-Jouan : Dictionnaire des communes. Département des Côtes-d'Armor. Eléments d'histoire et d'archéologie. Conseil Général des Côtes d'Armor. Saint-Brieuc. 1990
• (fr)Bernard Tanguy : Dictionnaire des noms de communes, trèves et paroisses des Côtes d'Armor. Chasse-Marée. ArMen. 1992
• (br)Erwan Vallerie : Diazezoù studi istorel an anvioù-parrez. Corpus. An Here. 1995