ArtecheMungian egoitza duen enpresa multinazionala da. Artechek transformagailu eta gailu elektrikoak ekoizten ditu, eta 2020an 265 milioi euroko fakturazioa lortu zuen. 2.000 langile ditu munduan dituen 11 plantetan, eta horietatik 600ek Mungiako eta Gasteizko lantegietan dihardute. Artechek 170 herrialdetan saltzen ditu bere produktuak, baina fakturazioaren %35 AEBetan eta Mexikon lortzen du, eta merkatu horietan sendotu nahi du. Burtsara irten ondoren, Artetxe familiak akzioen erdiari eutsi dio —lehen %66 zituen—, eta beste bi akziodun handi ditu: Damaso Casado enpresaria (%24), eta Eusko Jaurlaritza (%7).[1]
2021eko ekainean Arteche taldeak bere hazkunde prozesua sendotu nahian, burtsara jotzea erabaki zuen inbertsore berrien bila. BME Growth indizean irtetea erabaki zuen, Enpresa ertain eta txikien burtsa deritzonean, hain zuzen.[2]
Datuak: Q22101796
