Ascomycota
| Ascomycota | |
|---|---|
| |
| Sarcoscypha coccinea | |
| Klasifikasi ngèlmiah | |
| Karajan: | Fungi |
| Subkarajan: | Dikarya |
| Filum: | Ascomycota (Berk 1857) Caval.-Sm. 1998[1] |
| Subphyla/Classes | |
Ascomycota iku salah siji divisi saka jamur (fungi). Ciri-ciriné Ascomycota iku duwé talus kang asalé saka misélium kang ana sekaté.[2] Ascomycota ana kang uripé dadi saproba lan ana kang uripé dadi parasit kang gawé penyakit mara tuwuhan.[2] Cara réprodhuksiné séksual yaiku gawé askospora ing jeroné askus.[2] Cara réprodhuksi kang aséksual iku nganggo spora konidium kang dikasilake ing pucuk konidiofor.[2] Lumrahé askus digawé ing askokarp utawa askoma.[2] Rupané askus iku béda-béda yaiku:
- askus kang ora duwé askokarp[2]
- apotesium kang askokarpé rupané kaya mangkok[2]
- kleistotesium kang askokarpé rupané kaya bal lan ora duwé ostiulum[2]
- peritesium yaiku askus kang askokarpé rupané kaya botol kang duwé gulu lan duwé ostiulum[2]
Amarga jinis askus iku ana akèh, Ascomycota dibagi dadi telung kelas yaiku:
- Hemiascomycetes, jamur jinis iki ora duwé askorkap lan ora duwé hifa.[2]
- Plectomycees, jamur jinis iki duwé askus kang jinisé kleistotesium.[3] Kelompok jamur iki urip dadi saproba, parasit, lan hiperparasit.[3]
- Pyrenomycetes, jamur iki ciriné yaiku duwé askoma kang rupané mirunggan kang dipirantèni ostiolum(bolongan kanggo ngetokaké askus lan askuspora).[4] Contoné Pyrenomycetes iku Neurospora sitophila kang racaké dinggo kanggo gawé oncom abang saka apas tahu utawa bungkil kacang brol.[4]
Cathetan suku
[besut | besut sumber]- ↑ Cavalier-Smith, T. (1998). "A revised six-kingdom system of Life". Biol. Rev. Camb. Philos. Soc. 73 (3): 203–266. doi:10.1017/S0006323198005167. Diarsip saka sing asli ing 2012-10-19. Dibukak ing 2011-07-28.
- ↑ a b c d e f g h i j (Pratiwi, D.A.(2007)."Biologi SMA untuk Kelas X Jilid 1".Jakarta:Erlangga. Hal.93)
- ↑ a b (Pratiwi, D.A.(2007)."Biologi SMA untuk Kelas X Jilid 1".Jakarta:Erlangga. Hal.95)
- ↑ a b (Pratiwi, D.A.(2007)."Biologi SMA untuk Kelas X Jilid 1".Jakarta:Erlangga. Hal.96)
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |