Asdingen

De Asdingen weern en Deelstamm vun de Wandalen, de in dat 2. Johrhunnert n. Chr. in dat Rebeet vun dat hüdige Rumänien un Ungarn nahwiesbar is. To de Tiet vun de Markomannenkriege ünner Marcus Aurelius weern de Asdingen in Kampen mit dat Imperium verwickelt. Enn’n vun dat 3. Johrhunnert hebbt se sück mit den tweeten wandalschen Deelstamm, den Silingen vereenigt, un sünd üm 401 rüm nochmol in dat Rieksrebeeet infallen. 406 sünd se mit annern nah Gallien vörrückt und 409 sünd se in Spanien infallen. Ünner de Leeden vun des asdingsche König Geiserich hett 429 en Verband ut asdingischen un silingischen Wandalen tosommen mit de Alanen nah Afrika översett un hett dor en Wandalenriek ünner de Führung vun asdingschen Königen erricht, wat bit 533 bestahn bleev.