Ashgabat
| Ashgabat | ||
| ||
| Ashgabat vidita denorde vers lua centro. | ||
| Lando: |  Turkmenistan
| |
Informo:
| ||
| Latitudo: | 37°56' N | |
| Longitudo: | 58°23' E | |
| Altitudo: | 219 m | |
| Surfaco: | 440 km² | |
| Habitanti: | 1 031 992 (2012) | |
| Denseso di habitantaro: | 2.300 hab./km² | |
| Horala zono: | UTC+5 | |
Mapo:
| ||
| ||
Oficala retosituo:
| ||
| ashgabat.gov.tm | ||
Ashgabat (Turkmenistanane: Aşgabat) esas chef-urbo e la maxim populoza urbo di Turkmenistan. Segun statistiki de 2012, ol havis 1 031 992 habitanti.
Historio
[redaktar | redaktar fonto]Ashgabat kreskis sur la ruini di Konjikala, urbo del epoko di la Silko-voyo. La regiono unesmafoye mencionesis kom produktero di vino dum la 2ma yarcento aK, e destruktesis da ter-tremo dum l'unesma yarcento aK. Konjikala rikonstruktesis pro lua avantajoza lokizo proxim la Silko-voyo, tamen ol destruktesis da Mongoli dum la 13ma yarcento.
La vicina suburbo Köşi, ante 2013 separita vilajo, probable esis loko ube konstruktesis fortreso por protektar Nisa, l'anciena chef-urbo dil Imperio Parta, quale montras kelka ceramikaji trovita ibe dum la yari 1970a e pose ank en 2020. Altra utensili del epoko Parta trovesis ube nun situesas la bazaro di Ashgabat.
La nuna urbo fondesis ye la 18ma di januaro 1881, e divenis chef-urbo di la Republiko Socialista Sovietiana Turkmenistan en 1924.
Geografio
[redaktar | redaktar fonto]La reliefo di Ashgabat esas ordinare plana. La montaro Kopet-Dag jacas 25 km sude de Ashgabat, dum ke la nordala bordo dil urbo esas la dezerto Karakum. Pro to, Ashgabat havas arida klimato, kun varma e sika someri e kolda e kurta vintri. La mezavalora temperaturo en julio (somero) esas 31,3°C, dum ke la temperaturo en januaro (vintro) esas 3,5°C.
La mezavalora yarala pluvo-quanto esas 201 mm, e la maxim pluvoza monato esas aprilo, kun mezavalore 32 mm.