Asociación Amateurs de Football
Asociación Amateurs de Football (AAmF) a voe ur c'hevre mell-droad arc'hantinat hag a oa bet krouet d'an 22 a viz Gwengolo 1919 en ur zispartiañ diouzh Asociación del Fútbol Argentino (AFA) war un dro. Juan Mignaburu a voe e gentañ prezidant betek 1920, bet erlec'hiet gant Adrián Beccar Varela.
Er-maez eus Kevread Etrebroadel Football Association (KEFA) n'en devoa ket anavezet anezhañ, aozañ a reas kampionadoù mell-droad en Uruguay betek an 28 a viz Du 1926.
An eil disrann : red an darvoudoù
[kemmañ | kemmañ ar vammenn]Campeonato de Primera División 1919 AFA, kroget d'ar 16 a viz Meurzh, n'eas ket pelloc'h eget an 31 a viz Eost gant an disemglevioù a savas buan diwar-benn statud damamatour melldroaderien 'zo. Kaset e voe kuit ar c'hleuboù :
- Atlanta Buenos Aires,
- Defensores de Belgrano,
- Estudiantes de Buenos Aires,
- Estudiantil Porteño,
- Gimnasia y Esgrima La Plata,
- Independiente Buenos Aires,
- Platense,
- Racing Club de Avallenada,
- River Plate Buenos Aires,
- San Lorenzo,
- San Isidro Buenos Aires,
- Sportivo Barracas ha Tigre Buenos Aires
na savent ket a-du gant doareoù AFA. Ouzhpennet e voe Vélez Sarsfield da sevel Campeonato de Primera División 1919 de la AAmF a grogas d'an 28 a viz Gwengolo evit echuiñ d'ar 6 a viz Genver 1920, aet ar maout gant Racing Club de Avellaneda er genstrivadeg kentañ-mañ.
Chom a reas
- Boca Juniors Buenos Aires,
- Estudiantes de La Plata,
- Eureka Buenos Aires,
- Huracán Buenos Aires,
- Porteño Buenos Aires,
- Sportivo Almagro
feal ouzh AFA avat hag evite e voe aozet un eil kenstrivadeg a adkrogas d'an 28 a viz Gwengolo oc'h echuiñ d'ar 16 a viz Genver 1920. Berraet e voe ar gevezadeg-mañ a voe Boca Juniors he c'hentañ loread.
Betek 1926 e voe aozet gant AAmF ur c'hampionad Primera División ha Segunda División (División Intermedia an anv anezhañ) ivez.
A-barzh fin ar gont e kendeuzas Asociación Amateurs de Football (AAmF) hag Asociación del Fútbol Argentino (AFA) da reiñ Asociación Amateurs Argentina de Football (AAAF) d'an 28 a viz Du 1926. Adrián Beccar Varela a voe anvet da gentañ prezidant ar gevredigezh nevez-flamm a voe aozet ar c'henstrivadegoù ganti etre 1927 ha 1930.
An daou rummad bet krouet
[kemmañ | kemmañ ar vammenn]Primera División
[kemmañ | kemmañ ar vammenn]| Bloaz | Kleub kampion | Kleub renket da eil | Kleub renket da drivet |
|---|---|---|---|
| 1919 | Racing Club de Avellaneda | Vélez Sarsfield | River Plate |
| 1920 | River Plate | Racing Club de Avellaneda | San Lorenzo |
| 1921 | Racing Club de Avellaneda | River Plate | Independiente |
| 1922 | Independiente | River Plate | San Lorenzo |
| 1923 | San Lorenzo | Independiente | River Plate |
| 1924 | San Lorenzo | Gimnasia y Esgrima La Plata | Independiente |
| 1925 | Racing Club de Avellaneda | San Lorenzo | Sportivo Almagro |
| 1926 | Independiente | San Lorenzo | Platense |
Segunda División
[kemmañ | kemmañ ar vammenn]| Bloaz | Kleub kampion | Kleub renket da eil | Kleub renket da drivet |
|---|---|---|---|
| 1919 | Barracas Central | ||
| 1920 | General Mitre | ||
| 1921 | Palermo | ||
| 1922 | Argentino del Sud | ||
| 1923 | Liberal Argentino | ||
| 1924 | Excursionistas | ||
| 1925 | Talleres | ||
| 1926 | Sportivo Barracas |