Audrys Antanaitis

Audrys Antanaitis
Persona informo
Naskiĝo	en 1959 en Palanga
Lingvoj	Esperanto
Nacieco	litova
Ŝtataneco	Litovio
Alma mater	Universitato Vilno
Okupo
Okupo	esperantisto
Esperanto
Aliaj aktivaĵoj	vidu tekste

Audrys Antanaitis [aŭdri:s antanajtis] - naskiĝis en 1959 en la marborda ferieja urbo Palanga de Litovio - estas litova ĵurnalisto, lingvisto, instruisto kaj esperantisto. Audrys Antanaitis estas ankaŭ prezidanto de Ŝtata komisiono pri la litova lingvo (kutime nomata “Litova lingva ministro”).

Post lernejaj jaroj en Klaipėda li studis ĵurnalistikon kaj la litovan lingvon kaj literaturon en la Vilna Universitato, en 1982 eklaboris kiel direktoro de lernejo, poste laboris en la Instituto de litova lingvo kaj literaturo. En 1990 li ekestris la sekcion pri rilatoj kun eksterlandaj litovoj en la Ministerio de kulturo kaj klerigo de la sendependiĝanta Litovio. Inter la jaroj 1997 kaj 2000 li laboris kiel asistanto de kelkaj parlamentanoj. Ekde la jaro 2000 li profesie estas ĵurnalisto kaj programgvidanto en la radiostacio Žinių radijas (Novaĵ-radio). En 2004 li fariĝis programgvidanto en la televidaj kanaloj Vilniaus televizija ("vilna televido") kaj Penktas kanalas ("kvina kanalo"). En 2005 li estis membro de la Loka Kongresa Komitato de la tiujara UK en Vilno, respondeca pri ekstera informado. Ekde 2007 li havas la postenon de vicprezidanto de Litova Ĵurnalista Asocio, kaj ekde 2008 krome la postenon de prezidanto de Tutmonda Esperantista Ĵurnalista Asocio. Daŭre en 2023 li estas estrarano de Litova Esperanto-Asocio.

Vidu ankaŭ

Tutmonda Esperantista Ĵurnalista Asocio (TEĴA)

Referencoj

• Biografia prezento de li en paĝo pri la TEĴA-estraro en la asocia retejo (esperantlingve) Arkivigite je 2012-03-09 per la retarkivo Wayback Machine
• Prezenteto pri li en paĝo de la radiostacio Žinių radijas (litove) Arkivigite je 2012-06-02 per la retarkivo Wayback Machine