Avelino Barbeito
| Biografía | |
|---|---|
| Nacemento | 14 de xuño de 1849  A Coruña, España |
| Morte | 9 de febreiro de 1914 (64 anos) A Coruña, España |
| Actividade | |
| Ocupación | escritor, tipógrafo |
| Membro de | |
| Familia | |
| Fillos | María Barbeito |
  | |
Andrés Avelino Barbeito Hermosilla, nado na Coruña o 14 de xuño de 1849 finado na mesma cidade o 9 de febreiro de 1914,[1] foi un tipógrafo e poeta galego.
Traxectoria
[editar | editar a fonte]Foi secretario dos concellos de Pontedeume e Betanzos. Militou no Partido Republicano e foi un dos asinantes do Manifesto solidario de setembro de 1907, que promoveu o inicio de Solidaridad Gallega. Foi presidente da Asociación de Auxilios dos Dependentes de Comercio da Coruña. Publicou poemas en El Eco de Santiago, Santiago e outras revistas e xornais da época usando moitas veces o pseudónimo Noé Vila, anagrama do seu nome. É autor do libro de versos bilíngüe Nada (1906). Recibiu o premio da Academia de Montreal pola súa tradución da obra Magali de Frédéric Mistral e o do Ateneo de Trobadores de Tolosa pola vinculación á obra dos felibres.
Vida persoal
[editar | editar a fonte]Casou con María Cerviño Vázquez e foi pai de María Barbeito Cerviño.
Notas
[editar | editar a fonte]- ↑ El Noroeste, 10-2-1914, p. 3.
Véxase tamén
[editar | editar a fonte]Bibliografía
[editar | editar a fonte]- Barbeiro y Hermosilla, Andrés Avelino. Gran Enciclopedia Gallega Silverio Cañada
- Carballo Calero, Ricardo (1981). Historia da literatura galega contemporánea 1808-1936. Vigo: Galaxia. p. 465. ISBN 84-7154-390-7.
- Dicionario biográfico de Galicia, t. 1, p. 92.
