Bacca

Baccae Ribis rubri, generis baccae verae.

Maturae Vaccinii vitis-idaeae baccae.

Nonnullae varietates "baccarum" communium monstrantur, quarum solum una (Vaccinium) est bacca secundum definitionem botanicam. Rubi sunt fructus aggregatus a multis drupeolis compositus, et Fragariae × ananassae sunt aggregati fructus accessorii.

"Baccae" ferae ex Refugium Nationale Animalium Ferorum Innoko in Alasca, mixtura baccarum verarum et fructuum aggregatorum.

Exemplum comparationis colorum in plerumque non edulibus baccis feris.

Bacca in botanica est fructus carnosus ex flore singulo productus et unum ovarium continens. Uvae et Persea americana sunt exempla communia. Bacca est comunissimum genus fructus carnosi in quo totum ovarii vallum maturat pericarpium edule. Baccis esse potest unum vel plura carpella. Semina plerumque in carnosa ovarii parte includuntur, sed sunt exceptiones non carnosae, sicut capsica, quibus est aer, non pulpa, circiter semina.

Planta quae baccas ferit bacciferosa vel baccata dicitur, sed fructus qui baccae similis est, sive bacca sive non, etiam baccatus appellari potest.

Multae baccae, sicut solanum lycopersicum, edules sunt, sed aliae eiusdem familiae, sicut fructus Atropae belladonnae, hominibus sunt venenosae.

Bacca botanicae

In lingua botanica, bacca est fructus simplex cui sunt semina et pulpa a singulo ovario producta; ovarium inferius aut superius esse potest. Inter exempla baccarum botanicarum sunt:

• Persea americana, bacca cui est unum semen
• Banana (generis Musae)
• Arbutus unedo (Ericaceae)
• Arctostaphylos spp. (Ericaceae)
• Berberis (Berberidaceae)
• Citrullus lanatus (Cucurbitaceae)
• Coffea spp. (Rubiaceae)
• Cucurbita spp. (Cucurbitaceae)
• Diospyros spp. (Ebenaceea)
• Garcinia gummi-gutta, Garcinia mangostana, et Garcinia indica
• Empetrum spp. (Ericaceae)
• Lonicera caerulea (Caprifoliaceae)
• Lycium barbarum (Solanaceae)
• Mahonia aquifolium (Berberidaceae)
• Phyllanthus emblica (Phyllanthaceae)
• Podophyllum peltatum (Berberidaceae)
• Ribes spp. (Grossulariaceae)
• Sambucus niger (Caprifoliaceae)
• Solanum lycopersicum (Solanaceae)
• Vaccinium macrocarpon (Ericaceae)
• Vaccinium myrtillus (Ericaceae)
• Vaccinium vitis-idaea (Ericaceae)
• Viburnum lentago (Caprifoliaceae)
• Vitis vinifera (Vitaceae)

Baccae modificatae

Fructus citrus familiae Rutacearum, sicut Citrus × sinensis, Citrus japonica, et Citrus × limon, est bacca cui est cortex crassus et interior succosus cui est nomen praecipuum, hesperidium. Baccae quae ex ovario inferiori crescunt aliquanfdo baccae epigynosae vel baccae falsae appellantur, contra baccas bveras, quae ex ovario superiori crescunt. In baccis epigynosis, bacca materiam ex partibus floris praeter ovarium comprehendit. Tubus floralis, a basali sepalorum, petalorum, et staminum parte formatus, maturus fieri potest carnosus, et cum ovario ad formandum fructum coniungitur. Inter fructus communes qui aliquando baccae epigynosae describuntur sunt bananae, coffea, et sodales generis Vaccinii et familiae Cucurbitacearum (exempli gratia, Cucumis sativus, Cucumis melo, et Cucurbita).

Bibliographia

• Bowling, B. L. 2005. The Berry Grower's Companion. Timber Press. ISBN 978-0-88192-726-9.
• Gupta, P. K. 2007. Genetics Classical to Modern. Rastogi Publications. ISBN 978-81-7133-896-2.

Nexus externi

Vicimedia Communia plura habent quae ad baccas spectant.

Vide baccam in Victionario.

• United States National Berry Crops Initiative, nationalberrycrops.org