Bandeira de Bulgaria

Bandeira de Bulgaria
Características
Uso	...
Proporción	3:5
Adopción	1879 (versión orixinal) 1991 (versión actual)
Cores	Branco     Verde     Vermello

A bandeira de Bulgaria (en búlgaro: знаме на България, zname na Balgariya) consta de tres franxas horizontais do mesmo tamaño en cores branca a superior, verde a central e vermella a inferior. O branco representa a paz, o verde representa a fertilidade das terras búlgaras e o vermello á coraxe do pobo.

A bandeira foi adoptada inicialmente o 16 de abril de 1879. Posteriormente, sufriu cambios menores, até a súa última modificación, que foi adoptada o 27 de novembro de 1990. Na actualidade, o deseño da bandeira búlgara e o seu protocolo están especificados no capítulo 2 da "Lei sobre o escudo e a bandeira nacional da República de Bulgaria", promulgada o 25 de maio de 1998.

Historia

As primeiras bandeiras representando a Bulgaria remóntanse a inicios do século XIX, na época da dominación otomá. Ditas bandeiras utilizaban principalmente as cores do paneslavismo, movemento que defendía a unión dos pobos eslavos de Europa: branco, azul e vermello, imitando as cores da bandeira de Rusia. Cando Bulgaria logrou a súa independencia en 1878, foi adoptada a bandeira rusa, pero a franxa central foi substituída polo verde, como referencia ao desenvolvemento de Bulgaria como un país agrícola.

O Principado de Bulgaria (dende 1908 Reino de Bulgaria) usaba a bandeira e no cantón, un león rampante dourado sobre fondo vermello, representando á realeza. Cando se estableceu a República Popular de Bulgaria, o emblema monárquico foi substituído polo escudo de armas, o cal sufriu cambios menores en 1967 e 1971. Tras o fin do réxime comunista en 1990 foi eliminado o escudo de armas da bandeira, deixando unicamente as franxas.

Bandeiras históricas

• 
  Bandeira entre 1878 e 1944.
• 
  República Popular de Bulgaria (1946-1967).
• 
  República Popular de Bulgaria (1967-1971).
• 
  República Popular de Bulgaria (1971-1990).

Outras bandeiras

• 
  Bandeira de combate.
• 
  Bandeira da Armada.
• 
  Pavillón de proa.
• 
  Bandeira da Garda Costeira.
• 
  Estandarte presidencial.
• 
  Ensea naval (1878-1944)
• 
  Ensea naval (1944-1955)
• 
  Ensea naval (1955-1990)

Véxase tamén

Outros artigos

• Escudo de Bulgaria

Ligazóns externas

• Bulgaria en Flags of the World (en inglés)
• Lei sobre o escudo e a bandeira nacional da República de Bulgaria Arquivado 04 de xuño de 2010 en Wayback Machine.