Barbacoa
La barbecoa (tradicionalament brasièra) es una aisina de cosesson. Los aliments son plaçats sus una grasilha o un ast e son expausats a la radiacion d'una font de calor. La noirudura atal preparada es nomenada «carbonada» o «grasilhada». La cosesson es mai sovent realizada en plen aire.
Lo mot barbacoa pòt tanben designar un repai, sovent festiu, pendent que s'utiliza aque aparela aisina.
Origina
[modificar | Modificar lo còdi]L’etimologia retenguda pels linguistas es la seguenta: ven l'ispanoamerican barbacoa, d'un mot arawak designant una canissa servissent a rostir o fumar la vianda. Lo tèrme passèt en Euròpa mejans l'anglés american barbecue dins los ans 1950.
Tecnica d'alucatge de las barbacoas de carbon de vegetal o de fusta
[modificar | Modificar lo còdi]Las barbacoas de gas e electrica dona pas cap dificultat d'alucar, al contrari d'aquelas de fusta o de carbon vegetal. Existís diferentas solucions: papièr jornal (jornal agorrufar, entorchat), produch aluca fuòc (natural: briquetas de carbon vegetal solida, parafina, esca; chimic : liquid aluca fuòc, gèl o cubs o pasta)[1], aluca barbacoa electric.
Toxicitat
[modificar | Modificar lo còdi]La combustion incomplèta de las grassas animalas al contact de las flamas de carbon vegetal dona de benzopirèns coneguts coma cancerigèns. Las concentracions en benzopirèn pòdon aténher 10 μg/kg de vianda[2]. Un bistèc atal grasilhat pòt contener, en benzopirèn, l'equivalent de 600 cigaretas[3].
Diferentas categorias de barbacoas
[modificar | Modificar lo còdi]
Existís mai d'una mena de barbacoas:
- las barbacoas de combustion: los aliments son cuèchs sus de brasas obtengudas brutlant de fusta o de carbon vegetal ;
- las barbacoas de gas: los aliments son cuèchs mejans la combustion de gas butan o propan, dirèctament o mejans de lausas refractàrias;
- las barbacoas de fums: la cosesson se realiza dins una encencha ont se brutla doçament de fusta qu'emet de fum. La cosesson es donada per coagulacion de l'albumina a de temperaturas variant de 80 80 °C a 100 100 °C ;
- las barbacoas electricas;
- las barbacoas d'usatge unic;
- las barbacoas verticalas: un inventor lengadocian de Bram) del sistèma de capvirament de la grasilha per la barbacoa de cosesson verticala, Raymond Garcia, foguèt primat[4].
-
Barbacoa d'escasença -
de gas -
de grasilha classica -
bastida
Notas e referéncias
[modificar | Modificar lo còdi]- ↑ Comment dire à un homme que sa braguette est ouverte. Hachette Pratique, 2007-09-19. ISBN 9782012301238.
- ↑ «Le benzopyrène».
- ↑ «Cuisson au barbecue ! Anses - Agence nationale de sécurité sanitaire de l’alimentation, de l’environnement et du travail». www.anses.fr.
- ↑ L'express: Raymond Garcia, inventeur de l'année 2007