Baskiria
Baskiria (etiam orthographiate Baschiria; in russo Башкирия, Baškírija; in baskiro: Башҡортостан, Başqortostan o Bashkortostan, e officialmente Republica baskir, Башҡортостан Республикаһы, Başqortostan Respublikahı) es un subjecto federal de Russia de 143'600 km2 e 4 million habitantes. Le republica pertine al districto federal del Volga, e comprende parte del montes Ural meridional e del planas adjacente. Su capital e centro economico-cultural es Ufa, que con 1'145'000 habitantes contine plus quam un quarto del population republican.