Beneita de Arbaree
Limba Sarda Comuna. Abbàida sas àteras bariedades gràficas:
| Beneita de Arbaree | |
|---|---|
| Nàschida | 1365 Aristanis |
| Morte | 3 de martzu 1383 Aristanis |
| Natzionalidade | sarda |
| Genitores | Mama: Anònima Castelli de Vico Babbu: Ugone de Serra Bas |
 Istemma | |
| Religione | Catolitzèsimu |
| Contributos de importu | Donnikella de Arbaree, fìgia de su giùighe Ugone III |
Beneita De Serra Bas o de Arbaree (Aristanis, 1365 – Aristanis, 3 martzu 1383) est istada printzesa de Arborea de su 1365 a s'annu de sa morte.
Biografia
[modìfica | modìfica su còdighe de orìgine]Famìlia
[modìfica | modìfica su còdighe de orìgine]Ùnica fìgia de su giùighe o re de Arbaree Ugone III e de sa mugere Anònima Castelli de Vico, fiat nàschida prossimai in Aristanis in su 1365. In cussos annos si gherraiat sa gherra incanida intre su giuigadu de Arbaree e sa Corona de Aragona, chi bidiat babbu suo, soberanu benidore e fìgiu de Marianu IV, guvernare a is tropas de su regnu sardu, cunsighende vitòrias medas e importantes, comente sa de sa batalla de Sant'Anna.[1]
Sa mama de Beneita fiat morta in su 1369, comente a testimòniat sa lìtera de su guvernadore de su Cabu de Logudoro a su re Pedru IV de Aragona, datada pròpiu a cuddu annu.
Segunda Ambasciada Angiou in Aristanis
[modìfica | modìfica su còdighe de orìgine]| « ...matrimonium futurum inter dominum Ludovicum, eorumdem dominorum ducis et ducisse filium naturalem et legitimum, unicum et communem, et Benedictam, filiam illustris principis et domini domini Hugonis, judicis Arboree, comitis Gociani et vicecomitis de Basso... » | |
(Procura de su duca de Angiou dada a is ambasciadores pro sa proposta de coja de su fìgiu solu cun Beneita, fìgia de Ugone III de Arbaree)
|
In su 1378 su balente Duca de Angiou Luisi de Valois aiat imbiadu un'ambasciada, afatante a sa de s'annu pretzedente, pro fàghere ratificare su tratadu de alliàntzia firmadu pretzedentemente. Is ambasciadores, Migone, sennore Pomerade, e Gulliermu Gaian, dottorandu in lege, fiant lòmpidos a Aristanis su 30 Austu.[2] A ddos retzire bi fiat Ugone III in persone, chi, segundu is matessi ambasciadores, si fiat cumportadu in modu meda rude e bàrbaru. Oe, segundu is istòricos, custu cumportamentu est istadu detadu dae su fatu chi su Duca Luisi no aiat respetadu is vìnculos de su pretzedente tratadu, benende a patos cun s'inimigu chi si fiant acordados de gherrare, sa Corona de Aragona. [2] A sa proposta de is ambasciadores de coja intre Beneita e Luisi, erederi minore e omònimu de Luisi I, Ugone aiat rispostu disdignosamente, definende, in sa lìtera de risposta a su Duca, cussu possìbile isposòriu che "ridìculu".
Morte
[modìfica | modìfica su còdighe de orìgine]Durante unu avolotu pobulare, a is cumintzos de su 1383, su palatzu giuigale fiat istadu afracadu e pigadu. Su 3 de Martzu Beneita, de deghenoe annos, e su babbu fiant istados ghetados, galu bios e cun sa limba trinchiada, in unu putzu.[3] A Ugone diat èssere remplasadu Fidericu de Arbaree, fìgiu de sa sorre Elionora chi aiat assùmidu s'apòmpiu.
Is mandadores de s'ochisura abarrant disconnotos mancari b'at ipòtesis, non documentadas, de s'istòricu Francesco Cesare Casula e de s'iscritora Bianca Pitzorno subra chi aiat benefitziadu de sa duplitze morte.
Notas
[modìfica | modìfica su còdighe de orìgine]- ↑ Casula, p. 231
- ↑ 2.0 2.1 (IT) Raimondo Carta Raspi, Ugone III d'Arborea e le due ambasciate di Luigi I d'Anjou, Aristanis, S'Alvure, 1982 [1936], ISBN 978-8873831389, OCLC 860597842, SBN IT\ICCU\CAG\0025662.
- ↑ Pitzorno, p. 28
Bibliografia
[modìfica | modìfica su còdighe de orìgine]- Francesco Cesare Casula, La storia di Sardegna, Carlo Delfino Editore, Tàtari, 1994
- Bianca Pitzorno, Vita di Eleonora d’Arborea, principessa medievale di Sardegna, Oscar Mondadori, Milanu, 2010
- Franco Cuccu, La città dei Giudici, vol. 1, S’Alvure, Aristanis, 1996
- Gian Giacomo Ortu, La Sardegna dei Giudici, Il Maestrale, Nùgoro, 2005