Benzien

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

Benzien is e mingsel van kaolwatersjtoffe det weurt gebroek es brandjsjtof veur benzienmotore en es oplos- en zuvermaakmiddel. 't Is 'n destillatiefractie van aerdaolie mit 'n leeg viscositeit en betrèkkelik leeg kaokpuntj.

Aan benzien waat es brandjsjtof weurt gebroek waere additieve toegeveug veur te veurkómme det de motor geit kloppe. De klopvasheid weurt oetgedrök in 't octaangetal van de benzien, mer det octaangetal is gein maot veur de wieväölheid octaan waat in de benzien zit.

De toeveuging tetraethyllood die vreuger väöl waerde gebroek es antiklopmiddel is allewiel vervange door 't miljeuvruntjeliker methyl-tert-butylether. De benzien is hiemit loodvrie gewaore.