Bergens Tidende

Bergens Tidende
Land	Noreg
Type	Dagsavis
Format	Tabloid
Grunnlagd	1868'"`Uniq--ref-00000001-qinu`"'
Eigarar	Schibsted Norge
Grunnlegger(ar)	Johan Wilhelm Eide
Redaktør(ar)	Øyulf Hjertenes (2015), Einar Eriksen (1986– 1991)
Språk	Norsk
Hovudkvarter	Bergen
ISSN	0804-8983, 0809-4705, 1500-7618
OCLC	476409487, 49229316
Nettstad	https://bt.no (norsk)

Bergens Tidende (BT) er ei avis som vert gjeven ut i Bergen i Hordaland og er fylkets største avis og den største utanfor Oslo. Avisa vart grunnlagd av Johan Wilhelm Eide og gjeven ut fyrste gong 2. januar 1868. Ho er ei av dei eldste norske avisene som framleis kjem ut.

Bergens Tidende har språkleg fridom for journalistane, men har også ein uformell politikk om at «bergenssaker» vert skrivne på bokmål, medan saker om nynorskkommunar og fylka Hordaland og Sogn og Fjordane vert skrivne på nynorsk.

Redaksjonelt er avisa ei liberal og partipolitisk uavhengig avis. Avisa støtta lenge partiet Venstre men vart med over då Det Nye folkepartiet vart etablert etter Venstres deling på Røros i 1972. Avisa har seinare fjerna all partipreferanse.

Avisa kjem ut dagleg, med eit magasinbilag laurdagar. Avisa gjekk over til tabloidformat i oktober 2006. Bergens Tidende sende også lokalfjernsyn på frekvensen til TVNorge.

Trykkeriet til Bergens Tidende held til i Drotningsvik og trykkjer ein del andre norske aviser for vestlandsregionen. Aviser som vert trykte er: VG, Dagbladet, Dagens Næringsliv, Finansavisen og Vårt Land.

Opplagstal

Utvikling i nettoopplag.

År	Nettoopplag
2000	91 956
2002	91 099
2003	90 087
2004	88 867
2005	88 054
2006	87 076
2007	87 668
2008	85 825
2009	83 086
2010	82 432

Eigarinteresse

Bergens Tidende AS har direkte eigarinteresse i:

• Askøyværingen AS (100.0 %)
• Avisprodukter AS (45.0 %)
• Bygdanytt AS (100.0 %)
• Fanaposten AS (100.0 %)
• BTV (100.0 %)

Bakgrunnsstoff

• Offisiell nettstad
  Denne medieartikkelen er ei spire. Du kan hjelpe Nynorsk Wikipedia gjennom å utvide han.