Blovklavaro

Blovklavaro de marko Hohner

Blovklavaro (aŭ blovakordiono) estas blovinstrumento simila al piano kaj akordiono. Ĝi estas aerofono kaj havas multajn metalajn anĉojn kaj multajn klavojn. Ĝia klavaro havas ofte 2 aŭ 3 oktojn.

Oni funkciigas ĝin per blovado tra blovilo (kiu povas esti eta beko aŭ longa tubo) kaj premo de klavoj, kiuj malfermos la truojn, tra kiuj eniros la aero kaj vibrigos la metalajn anĉojn. La vibrantaj anĉoj produktas la tonojn.

Ĝi aperis kiel muzika instruo por infanoj, sed ankaŭ multaj muzikistoj uzis kaj uzas ĝin en siaj prezentadoj pro la specifa sonkoloro kaj ĝia granda agileco por improvizado.

galerio

• 
  Monsieur Lune (Nicolas Pantalacci) en festivalo de 2010 (Aikso Provenca)
• 
• 
• 
• 
  Henning May en festivalo de 2017 (Nurenbergo)

Eksteraj ligiloj

• Muzikoloroj, dulingva (Esperanto kaj la hebrea lingvo), libera kaj senpaga lernolibro
• Anglalingva paĝaro pri blovklavaroj. Arkivigite je 2007-10-07 per la retarkivo Wayback Machine
• Ekzemplo de blovklavara uzado kun aliaj instrumentoj.