Busto

Para outras páxinas con títulos homónimos véxase: Busto (homónimos).

Virxe velada, obra de Giovanni Strazza

Denomínase busto á parte superior do corpo humano, dende o pescozo ata a cintura. Tamén se chama busto á a representación artística da cabeza e a parte superior do tórax dunha persoa. Pode ser unha escultura, unha pintura, un debuxo ou un gravado. Inclúe a cabeza, os ombreiros, o nacemento dos brazos e o peito, ou parte del. Non se considera un fragmento parcial dunha obra, senón que é, en si mesmo, a obra completa.

Escultura

En escultura, un busto é a representación dunha persoa limitada ao peito, ombreiros e cabeza, e xeralmente acompañada dun pedestal. A arte de representar en busto ven da antigüidade, e aínda que existen exemplares do Antigo Exipto (en realidade, cabezas funerarias ou modelos de taller), e da Grecia antiga, foi no Imperio Romano cando este tipo de escultura acadou a súa maior popularidade. Comunmente, o representado é un individuo de importancia.

Os materiais empregados son diversos, destacando o mármore, o bronce, o granito, a terracota e a madeira.

• 
  Retrato de muller da dinastía Flavia. Mármore.
• 
  Busto de Pericles en mármore. Copia romana dun orixinal grego de ca. 430 a.C. Museo Pío-Clementino de Roma.
• 
  Busto de Castelao en Rianxo.

Pintura

Durante o Renacemento , en pintura , a expresión “en busto” designa unha representación que quere abandonar a representación do suxeito de corpo enteiro.

A diferenza da representación de corpo enteiro, esta forma de representar un personaxe (case sempre as tres cuartas partes) nunha pintura axusta a composición e permite centrar a atención do espectador nos detalles do rostro, con máis intimidade. Moitas Madonnas de Rafael representan así á Virxe en tres cuartos e humanizan aos santos presentes na representación para unha maior devoción.

• 
  Virxe de Vladimir, de Andrei Rublev
• 
  Virxe da cadeira, Rafael
• 
  Retrato de Rosalía, por Brocos

Véxase tamén

Outros artigos

• Estatua
• Escultura
• Pintura
• Retrato