CLAS (equipu ciclista)

CLAS (equipu ciclista)
Situación
Estáu	España
Datos
Nome oficial	CLAS
Tipu	equipu ciclista profesional
Fundáu en	1988
	;

CLAS foi un equipu ciclista asturianu que, col patrociniu principal de la Central Lechera Asturiana, tuvo en competición ente los años 1988 y 1994.

El primer direutor deportivu del equipu fuera l'ex-corredor asturianu José Manuel Fuente, El Tarangu. L'añu 1994 fízose cargu de la direición Juan Fernández Martín al que ayudaba otru ex-ciclista asturianu, Jesús Suárez Cueva.

Cajastur entraría a copatrocinar l'equipu nel añu 1989, manteniendo'l patrociniu hasta 1993. Darréu, al quedar ensin el sofitu de la entidá bancaria asturiana, la empresa italiana Mapei entraría como patrocinador principal l'añu 1994. Estos cambeos tuvieron consecuencies nel nome del equipu que pasaría poles denominaciones que vienen darréu: Clas (1988), Clas-Cajastur (1989 - 1993) y Mapei-Clas (1994).

El corredor más destacáu del Clas foi'l suizu Tony Rominger que se convirtió nun auténticu ídolu pa l'afición ciclista asturiana y que ganaría la Vuelta Ciclista a España los años 1992, 1993 y 1994 y algamaría'l segundu puestu nel Tour de Francia del 93. Otros corredores importantes d'aquel equipu fueron: Fernando Escartín, Federico Etxabe o Abraham Olano. A lo llargo de los años d'actividá del equipu pasaríen pol mesmu un buen garrapiellu de corredores asturianos: Carlos Muñiz; Antonio Sampedro, El Cabritu; Guillermo Arenas; Manuel Jorge Domínguez; Julio Coello; Coque Uría; Vicente Prado o José Manuel García.

Referencies

Enllaces esternos