Calopteryx virgo

El caballín del diañu azul (Calopterix virgo) ye una especie de odonato zigóptero de la familia Calopterygidae. Ye orixinaria d'Europa.^[1] ^[2]^[3]

Hábitat

Biotopu

El caballín del diañu azu vive principalmente cerca de pequeñes corrientes d'agua. Prefieren una agua con baxa temperatura y un fluxu moderau o rápidu. L'agua nun tien que ser rica en nutrientes. A la parte nortiza del so área de distribución, como Noruega y Finlandia, tamién s'atopa en ríos con caudales rápidos. Les agües son de normal próximes a montes.^[4]

Hábitat de les larves

Les larves viven nes corrientes mentaes antes y son dependientes de les plantes acuátiques. Les larves precisen los tarmos y fueyes, especialmente n'árees corrientes rápides p'aguantase. Por eso ye desaxeradamente raru atopales dientro d'allugamientos maneros o árees con un fondu de piedra llisu. Viven n'árees seles ente fueyes cayíes o en raigaños de la vexetación. Namái en casos bien raros les larves son presentes n'agües enllancaes. El sustratu del ríu tien una importancia menor, porque los bárabos moren principalmente ente la vexetación.

Otru factor importante ye l'osíxenu na agua. Les larves son muncho más sensibles a la falta d'osíxenu que les larves de otres zigópteros, por eso precisen cantidá d'osíxenu abondo na agua. Esta sensibilidá fai que sían bonos *bioindicadores de la calidá d'agua. Esta especie prefier, a diferencia otres zigópteros, les árees más fresques y más avesees de l'agua. La mejor temperatura pel branu ye ente 13 y 18 °C. En temperatures cimeres a 22 °C reparen mancadures nes larves y tamién amenorgamientu de la capacidá de eclosionar los güevos. La razón principal ye'l conteníu d'osíxenu so temperatures más altes. Delles poblaciones individuales pueden consiguir sobrevivir a temperatures más altes.

Referencies

↑ Calopteryx virgo
↑ (castellán) http://www.asturnatura.com/especie/calopteryx-virgo.html Calopteryx virgo
↑ (n'inglés) https://www.iucnredlist.org/details/165505/0 IUCN lista roja, status.
↑ (n'inglés) http://eol.org/pages/4139772/overview Calopteryx virgo

Bibliografía

Schorr, M. and Paulson, D. 2015. World Odonata List. Archiváu 2015-06-29 en Wayback Machine Tacoma, Washington, USA . Consultáu'l 27 d'abril de 2016.

[1] Calopteryx virgo

[2] (castellán) http://www.asturnatura.com/especie/calopteryx-virgo.html Calopteryx virgo

[3] (n'inglés) https://www.iucnredlist.org/details/165505/0 IUCN lista roja, status.

[4] (n'inglés) http://eol.org/pages/4139772/overview Calopteryx virgo

[1]

[2]

[3]

[4]