Canal Sur Televisión

Canal Sur Televisión
	canal de televisión
Llocalización
Sede	Sevilla
Direición	España
Historia
Fundación	1989
Varios
Premios	(2015) Premios Ondas, premiáu por Los descendientes; (1995) Premios Ondas, premiáu por Todo tiene arreglo;
	Web oficial

Canal Sur Televisión ye la canal principal de televisión de la Radio y Televisión d'Andalucía (RTVA).

Apaición

Canal Sur Televisión entamó les sos emisiones el 28 de febreru de 1989, coincidiendo cola festividá del día d'Andalucía. Daquella, la ufierta televisiva n'España reducíase a les dos cadenes públiques del estáu (TVE), sacante en delles otres Comunidaes Autónomes como Cataluña, País Vascu y Galicia que yá cuntaben coles sos propies canales autonómiques.

La televisión autonómica andaluza nació col enfotu de sirvir como preséu d'información y participación pa los andaluces na sociedá, la cultura y la política del país. Amás, pretendía ser un mediu d'espardimientu de los valores históricos, culturales y llingüísticos d'Andalucía.

Canal Sur 2 entamó les sos emisiones en xunu de 1998, colo que la ufierta televisiva de RTVA desdoblóse, quedando Canal Sur 1 como una televisión de calter xeneral y entretenimientu, y Canal 2 Andalucía, centrada nuna programación cultural y divulgativo, con especial atención a les franxes infantil y deportiva. El 1 d'ochobre de 2012 y como midida d'aforru, Canal Sur 1 y Canal Sur 2 funden los sos conteníos de mayor ésitu, y pasen a emitir dambes frecuencies la mesma programación, cola segunda canal enfotada n'atención a les persones con discapacidá sonora ya visual.

Ver tamién

Radio y Televisión d'Andalucía

Referencies

Enllaces esternos