Carlos Alonso González
 | |||
| Informazzjoni personali | |||
|---|---|---|---|
| Isem sħiħ | Carlos Alonso González | ||
| Twelid | 23 ta' Awwissu 1952 Santillana del Mar, Spanja | ||
| Tul | 1.75 m | ||
| Rwol | Attakkant | ||
| Mixtliet | |||
| Satélite | |||
| 1966–1970 | Barreda | ||
| Karriera professjonali | |||
| Snin | Klabb | ||
| 1970–1971 | Racing Santander | ||
| 1971–1988 | Real Madrid | ||
| Tim nazzjonali | |||
| 1975–1985 | Spanja | ||
Carlos Alonso González, magħruf bħala Santillana (twieled fit-23 ta' Awwissu 1952) huwa eks-plejer tal-futbol Spanjol li kien jilgħab bħala attakkant, ikkunsidrat fost l-aqwa plejers u attakkanti li pajjiżu qatt ipproduċa.[1]
Karriera mal-klabbs
[immodifika | immodifika s-sors]Santillana beda l-karriera professjonali tiegħu ma' Racing de Santander, qabel ma fl-età ta' dsatax-il sena sab ruħu fost l-iskwadra ta' Real Madrid. Fl-Ewwel Diviżjoni tal-1971, l-istaġun debuttanti tiegħu, hu skorja 10 partiti minn 34 logħba hekk kif Real ġew inkuranti ċampjins.
Mat-tim Madrilen, Santillana rebaħ total ta' disa' kampjonati, flimkien ma' erba' tazzi domestiċi u żewġ edizzjonijiet konsekuttivi tat-Tazza UEFA (fejn skorja fiż-żewġ finali). Hu lagħab rekord ta' 778 partita ma' Real Madrid, rekord li hu megħlub biss minn Manuel Sanchis, fejn f'dawn it-total ta' partiti rnexxielu jiskorja 352 gowl. Minkejja li hu t-tmien l-aqwa skorer ta' kull żmien tal-ewwel diviżjoni Spanjola, b'186 gowl f'461 partita, hu qatt ma rebaħ l-unur Pichichi.
Wara biss tnax-il partita fl-istaġun 1987–88, fejn skorja erba' darbiet, Santillana irtira mill-futbol fl-età ta' 36 sena, fejn skorja fir-rebħa ta' 2–1 kontra Real Valladoid, b'Real Madrid isegwu r-rebħ tat-tielet titlu in fila fl-aħħar tliet staġuni tiegħu.
Internazzjonali
[immodifika | immodifika s-sors]Matul il-karriera internazzjonali tiegħu, Santillana kiseb 56 apparenza mat-tim nazzjonali Spanjol fejn skorja 15-il darba, bid-debutt tiegħu jseħħ nhar is-17 ta' April 1975, fil-konfront validu għall-kwalifikazzjoni għall-Kampjonati Ewropej 1976 kontra l-Jugożlavja (għall-kronaka, il-partita ntemmet 1–1 ġewwa Madrid).
Hu rrparenżenta lil pajjiżu f'diversi kompetizzjonijiet internazzjonali. Ħa sehem fit-Tazza tad-Dinja 1978 li saret fl-Arġentina u fit-Tazza tad-Dinja 1982 li saret ġewwa pajjiżu. Barra minn hekk kien fl-iskwadra ta' tliet edizzjonijiet tal-Kampjonati Ewropej: fl-1976, fejn waslu sal-finali, fl-1980, fejn naqsu li jgħaddu għat-tieni rawnd, u fl-1984, fejn Spanja tilfu l-finali kontra l-ospiti Franza, b'Santillana jasal qrib li jiskorja l-gowl tal-ftuħ permezz ta' daqqa ta' ras li ġiet salvata minn fuq il-linja minn Luis Fernández.
Il-mument l-aktar emozzjonanti fil-karriera internazzjonali tiegħu wasal fil-21 ta' Diċembru 1983, matul partita mill-fażi ta' kwalifikazzjoni għall-Kampjonati Ewropej fejn f'Sevilla l-Ispanjoli kienu qed jilgħabu kontra t-tim nazzjonali ta' Malta. Bit-tim Spanjol jsegwi ħolma li jiskorjaw ħdax-il gowl biex jassiguraw il-kwalifikazzjoni, Santillana skorja tripletta fl-ewwel taqsima u żied gowl ieħor fit-tieni, hekk kif Spanja ikkwalifikat għall-ispejjeż tal-Olanda.
Unuri
[immodifika | immodifika s-sors]Klabb
[immodifika | immodifika s-sors]- Real Madrid
- La Liga: 1971–72, 1974–75, 1975–76, 1977–78, 1978–79, 1979–80, 1985–86, 1986–87, 1987–88
- Tazza UEFA: 1984–85, 1985–86
- Copa del Rey: 1973–74, 1974–75, 1979–80, 1981–82
- Copa de la Liga: 1984–85
Referenzi
[immodifika | immodifika s-sors]- ^ "Santillana" (bl-Ingliż). Real Madrid CF.
Ħoloq esterni
[immodifika | immodifika s-sors]- Carlos Alonso González – rekord kompetittiv tal-FIFA (arkivjat)
- Carlos Alonso González fuq National-Football-Teams.com
- Statistika ta' Santillana
