Cassini-Huygens

Ceno di Titano, fotografita da Huygens dum decenso vers la surfaco

Ye 15 di oktobro 1997, la kosmosondilo Cassini, kun kosmosondilo Huygens, esis lansata. La skopo di la misiono esis studiar la planeto Saturno ed olua sateliti. Energio esis provizata per generatoro utiliganta plutonio-238.

Pos voyajo inkluzanta preterpasi di Tero, Venuso e Jupitero, oli esis pozata en orbito cirkum Saturno ye 1 di julio 2004. Huygens separis su de Cassini, e ye 14 di januaro 2005 ol atingis la surfaco di la satelito Titano. Imaji de la surfaco transmisesis per relayo de Cassini: la fotografuri montris plana tereno kun rondatra stoneti (forsan de aquo-glacio).

Cassini duris en orbito cirkum Saturno; dum sequanta yari ol studiis olua ringi, e preterpasis sateliti Enceladus, Tethys, Hyperion, Dione, Rhea, Iapetus, e plurafoye Titano.