Chés cleus
- Ch’ ju d’ Jav’lot , o dit coère Chés cleus
Dins chés éstaminets pi dins chés ducasses, o jue à chés cleus mais chés ésportfs is jue'te à ch' Jav’lot Tir dsu l’Chibe.
Pérsintachon dech Jav’lot Tir dsu l’Chibe
[éditer | modifier ech wikicode]- echl’ atrintchillage
Ch’jav’lot ch’est éne pointe in acier d’inviron 2 cm éd diamète pi aveuc eune londjeur d’ 6 à 10 cm. El lourdeur ch’est d’ 200 à 400 grammes.
Un anieu aveuc des pleumes infitchées, est vissée d’su l’pointe.
 |
|
Ch’blo (l’chibe o ch’bloce), il est foait in feurre o in caroline (inviron 40 x 40 cm). Ech chinte del chibe i doét t’éte à 85 cm dech’ sol. Ach chinte, il y o 2 chérkes (l' tiote bague al o un diamète d' 6 cm et pi ch'grand chérke i foait 21 cm).
Ch’pos d’tir ch’est un plantcher d’1 m ed’ larche pi 2 m éd londjeur. Il est plaché à 8 m del chibe.
- Chés points
- Si ch’ jav’lot i pique din l’tiote bague cha foait 2 points.
- Si ch’ jav’lot i pique din l’grande bague cha foait 1 point.
Ch’ javloteu Jean-Pierre Cappe ch’campion d’Franche 2009, il o foait 71 points aveuc 72 échtés.
Histoère
[éditer | modifier ech wikicode]In 1337, ch’roé Charles V i foait un décré doùsqu’il impêche chés jus d’balons pi chés jus d’dés. Chés onmes is s’in vont juer à dés jus d’djérre. Ch’ju d’jav’lot i s’in vo s’dév’lopper.
Ach XXe sièke, ch’ju d’chés cleus, il est répindu dins chés mines d’ chés Rouches Boéyeux.
Apré, ch’ju i rinte din l’ Anmiénoés pi seurtoute din ch’tchuin d’ Dourlin.
In ginvié 1984, l’ Fédération Française de Javelot Tir Sur Cible (FFJTSC) al est agréèe pèr ch’ministère. [1]
Campionnat d’Franche
[éditer | modifier ech wikicode]L’ finale d’chés campionnats d’Franche ale s’est foaite à Lillers (Pas d’Caleus) l’ diminche 14 d’ join 2009, pis à Béthune (Pas d’ Caleus) l’ diminche 28 d’join 2009.
Chés clups éd Jav’lot Tir dsu l’chibe aminchés al FFJTSC
[éditer | modifier ech wikicode]- Pas d’Caleus
- 45 clups =
Hachicourt , Aro C'minot, Aro ASPTT, Dainville, Feuchy, Mareul, Sainte-Cat'leine, Tilloy-les-Mouflines, Saint-Nicolas, Saint-Leurint-Blangy , Fampoux.
Ann’zin, Iberque , Roquetoire, Auchez, Burbure, Lillers, Bétunne C'minot , Bétunne Bros d' Fér.
Linse Acharné, Linse G.R.2, Avions 7, Guernay, Harnes , Courchelle-lès-Linse.
Calais, Saint Martin/Boulonne, Pont d'Briques, Ch'Toutchet.
Barlin, Brouay-l'Bussière, Divion P.V., Divion P.A. , Haillicourt et pi Hérsin-Coupigny.
L'Tchénoé et pi Huby Saint Leu.
Liévin Mordus, Liévin J.C.M. pi Anques.
Saint-Po, Savy Berlette, Fruche pi La Thieuloye.
- Nord
- 23 clups =
Arleux, Kimbré : Coqs Hardis, Kimbré Francs Tireurs, Walincourt, Niergnies et pi Romerie.
Grande Synthe, Loon Plage, Spycker pi Brouckbourq.
Bauvin, Douvrin, Emmerin, Lille , Lorgies, Salomé, Seclin, Wattrelos.
Abscon, Beuvrages, Fechain, Haveluy et Lourches.
- Sonme
- 8 clups =
Inke , Belloy-su-Sonme , Dourlin , Gintelle , Molin, Sanli-l’Sé, Péronne et Pont-Mès.
-
La Hotoé - Anmien - érmise des coupes
- Eutes clups
- 3 clups =
Florange , Livry-Gargan , ATAC (clup de Saint Paul, île de la Réunion).
Chés cleus dins chés poémes
[éditer | modifier ech wikicode]Éstrait d’un poéme treuvé dsu l’arnitoèle ( vir amour-poemes.com )
- […]
- A l’ducass’ d’Arras, qué gal’rie !
- Qué peupl’ pour vir chés jav’loteux !
- In-y aqueurt, pir’ qu’à inn’ lot’rie ;
- Mais, chut ! Attintion ! V’là ch’pointeux !
- […]
Notes pi référinches
[éditer | modifier ech wikicode]- INA : (https://fresques.ina.fr/picardie/fiche-media/Picard00800/presentation-d-un-sport-regional-le-javelot-tir-sur-cible.html Présentation d'un sport régional : le javelot tir sur cible (27 août 1985 - 02m 21s) ]