Charles Bronson
| Charles Bronson | |
| |
| Geboorte | 3 November 1921 Pennsylvania (VSA) |
|---|---|
| Sterfte | 30 Augustus 2003 Los Angeles, Kalifornië (VSA) |
| Nasionaliteit | Amerikaans |
| Beroep(e) | Akteur |
| Internet-rolprentdatabasis-profiel | |
Charles Bronson (3 November 1921 – 30 Augustus 2003) was 'n Amerikaanse akteur van Litause oorsprong. Hy is bekend vir sy gewelddadige flieks, onder meer Death Wish (1974), waarin hy verskyn het. Sy meeste optredes was rolle soos dié van 'n brutale polisiespeurder, 'n vigilante, 'n gewapende stryder, wag, bokser of "dief" van die Mafia. Hy was ook te sien in The Magnificent Seven (1960), The Great Escape (1963) en The Dirty Dozen (1967).[1]
Biografie
[wysig | wysig bron]Sy regte naam was Charles Dennis Buchinski. Hy is op 3 November 1921 in Ehrenfeld, Pennsilvanië gebore. Charles was die elfde uit 'n gesin van 15 kinders. Sy ouers was Litause immigrante van Tataarse oorsprong. Hy het saam met sy broers in 'n steenkoolmyn gewerk om sy familie te ondersteun.
In 1943 het Charles teen die Japannese geveg tydens die Tweede Wêreldoorlog, waar hy diens gedoen het in 'n bomwerper. Met sy terugkeer bring hy twee jaar in 'n amateur-teater in Philadelphia deur, gevolg deur 'n paar klein rolle in Hollywood, soos die een wat geskep is deur Gary Cooper in die film You're in die Navy Now (1951).
Uit sy eerste huwelik, met Harriet Tendler, is twee kinders gebore. In 1968 trou hy met die Britse aktrise Jill Ireland, wat ook 'n paar keer sy medespeler op die skerm was. Hulle was getroud vanaf 1968 tot met haar dood in 1990. Sy derde huwelik is in 1998 voltrek met Kim Weeks, by wie hy vier kinders gehad het.
In 1957 het Charles Bronson 'n rol in "Machine-Gun Kelly", deur die regisseur Roger Corman, vertolk. Met sy ruwe manlike voorkoms, is hy gespesialiseerde rolle toegeken van die "harde" wraakgeoriënteerde polisieman.
In 1968 was sy groot sukses die rol van Hamonica in Once Upon a Time in the West, onder leiding van die Italiaanse filmregiseur Sergio Leone.
Op 30 Augustus 2003 sterf hy aan longontsteking, in die Cedars-Sinai Mediese Sentrum. Hy was ook 'n slagoffer van Alzheimer se siekte in sy laaste jare.
Ironies genoeg, ten spyte van sy ruwe, taai beeld, is Bronson opreg waardeer deur sy medewerkers as 'n sagte mens, wat ook aan skilderkuns toegewy was, sê die New York Times.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
Eksterne skakels
[wysig | wysig bron] |
Wikimedia Commons bevat media in verband met Charles Bronson. |
- The Charles Bronson Homepage Bewonderaarswebwerf met omvattende fotogalery
- Japannese bewonderaarswebwerf Geargiveer 28 April 2010 op Wayback Machine
- Die Beste Battles van Charles Bronson Foto's op AMCtv.com
Normdata  |
|
|---|