Circondari de Monza

Quest articol chì l'è scrivuu in lombard, grafia milanesa.

El circondari de Monza (in ross)

El Circondari de Monza (Circondario di Monza) l'è staa voeuna di division ministrativ de la Provincia de Milan in del period 1859-1927.
El confinava a nord-est con la Provincia de Comm (circondari de Comm e de Lecch), a ovest cont el circondari de Biaa e a sud cont el circondari de Milan. El cattava dent tutt el territori storigh de la Brianza milanesa, che al dì d'incoeu l'è conossuu 'me Provincia de Monza e Brianza. De fatt la noeuva provincia (nassuda in del 2004), la gh'ha dent quasi tucc i comun del vegg circondari.

I comun in del 1863

In grassett i comun che esisten anca al dì d'incoeu, e in corsiv quei che incoeu fann minga part de la provincia brianzoeula.

• Mandament I de Monza
  • Monza
• Mandament II de Monza
  • Balsam, Biasson, Cassina di Gatt, Cinisell, Cologn, Lisson, Machee, Moncucch, Muggiò, San Damian, Sest San Giovann, Vedan, Villa San Fioran, Vimodron.
• Mandament III de Barlassina
  • Barlassina, Binzagh, Biragh, Bovis, Cassina Mata, Cassina Savina, Cesan Maderno, Cirlian, Cogliaa, Convren, Lazzaa, Lentaa, Limbiaa, Masciagh, Meda, Misint, Parazzoeu, Seves, Soree, Vared.
• Mandament IV de Caraa
  • Agliaa, Albiaa, Besana, Briosch, Calò, Caprian, Caraa, Cazzan, Colzan, Correzzana, Costa Lamber, Giussan, Mont Sir, Paina, Renaa, Robbian, Sovich, Trigas, Triugg, Val Guidin, Vedugg, Veran, Vergh, Villa Ravee.
• Mandament V de Des
  • Cassina Liprand, Cusan, Des, Dugnan, Inciran, Noeuva, Paderna, Seregn.
• Mandament VI de Vimercaa
  • Agraa, Arcor, Bellusch, Bernaregg, Buragh, Camparada, Caponagh, Carnaa, Carugaa, Cassina Baraggia, Cavenagh, Concorezz, Icurz, Lesmo, Mezzagh, Omaa, Oren, Ornagh, Ronch, Rugginell, Sulbiaa de Sora, Sulbiaa de Sotta, Usmaa, Velaa, Villa Noeuva, Vimercaa.

Vos correlaa

• Provincia de Milan
• Provincia de Monza e Brianza
• Circondari de Biaa
• Circondari de Gallaraa
• Circondari de Lod
• Circondari de Milan