Cistacoj

Kiel legi la taksonomion Cistacoj
blanketa cisto (Cistus albidus)
Biologia klasado
Regno: plantoj Plantae Subregno: trakeofitoj Tracheophyta Superdivizio: spermatofitoj Spermatophyta Divizio: angiospermoj Angiospermae Klaso: dukotiledonoj Magnoliopsida Subklaso: rozedoj Rosidae malvedoj Malvidae Ordo: malvaloj Malvales Familio: cistacoj Cistaceae Juss.
Tipa genro
cisto Cistus L.
Aliaj Vikimediaj projektoj

La cistacoj (latine Cistaceae) estas planta familio el la dukotiledonaj angiospermoj. Tiu familio apartenas al la ordo malvaloj (Malvales). Ĝi enhavas 7 ĝis 9 genrojn kaj ĉirkaŭ 200 speciojn. Ĝia tipa genro estas cisto.

Tiuj plantoj estas malgrandaj arbustoj aŭ moltigaj plantoj kaj kreskas ĉefe en la mediteraneaj landoj (iuj en Sud-Ameriko).

Taksonomio

Laŭ World Flora Online kaj The Plant List (6 jun. 2020), jen ĉi-sube la listo de la akceptitaj taksonoj, kaj ties Esperantaj nomoj:

• Angiospermae - angiospermoj
  • Malvales Juss. - malvaloj
    • Cistaceae Juss. - cistacoj
      • Cistus L. - cisto
      • Crocanthemum Spach - krokantemo*
      • Fumana (Dunal) Spach - fumano
      • Halimium (Dunal) Spach - halimio
      • Helianthemum Mill. - heliantemo
      • Horanthes Raf. - horanto*
      • Hudsonia L. - hudsonio
      • Lechea L. - lekeo
      • Tuberaria (Dunal) Spach - tuberario

*genro akceptita en TPL sed ne en WFO, kiu tamen akceptas ĝiajn speciojn.

Kelkaj genroj

• cisto (Cistus): daŭrafoliaj arbedoj kun malmultaj, grandaj (5-7 cm), mallonge vivantaj floroj en cumoj ŝosofine. Ili estas subvitre kulturataj. Ovario formiĝas el 5 karpeloj. Vaste konataj specioj estas la kreta cisto (Cistus creticus) kaj ladana cisto (Cistus ladanifer).
• heliantemo (Helianthemum): malaltaj arbustoj kaj arbedoj, kun duope kontraŭsidantaj folioj kaj kun multaj sentemaj, mallonge daŭraj, en malhela vetero malfermiĝantaj, helkoloraj floroj. Ŝatataj ĝardenplantoj por sunplenaj lokoj.