Clarín (xornal)

Clarín
	; Portada do #1, 1945.
Fundación	28 de agosto de 1945
Fundador	Roberto Noble
Lingua	lingua castelá
Localidade	Buenos Aires
Na rede
	https://www.clarin.com/
	[ editar datos en Wikidata ]

Para outras páxinas con títulos homónimos véxase: Clarín.

Clarín é un xornal matutino arxentino editado na cidade de Buenos Aires. Fundado por Roberto Noble o martes 28 de agosto de 1945. De formato tabloide, é o xornal con maior tirada da Arxentina.

Historia

O xornal Clarín foi fundado o martes 28 de agosto de 1945 por Roberto Noble. Tivo como particularidade o ser un dos primeiros xornais do mundo en incluír un deseño máis compacto (tabloide) que o típico deseño saba que usaban os xornais dese entón. Este deseño adoptárono logo varios xornais londinienses para non perder aos lectores novos. Actualmente é o xornal de maior tirada da Arxentina. A propietaria e directora do grupo Clarín, que o controla, é Ernestina Herrera de Noble, viúva do fundador.

O seu lema é "Un toque de atención para la solución argentina de los problemas argentinos.” e o seu actual slogan publicitario: "El gran diario Argentino".

Orientación política

Aínda que orixinalmente tivo unha orientación desarrollista, posúe un carácter independente e acrítico en canto a notas de opinión e editoriais.

Tirada

Na actualidade é o xornal con maior tirada da Arxentina e un dos de maior difusión no mundo de fala hispana cunha tirada que supera os 400.000 exemplares diarios segundo datos do IVC^[1]. Tamén é o segundo xornal en español máis lído por Internet^[2].