Connecticut
|
Sy Connecticut (duurverwiesziede) vöär andere beteykenissen van Connecticut. |
| State of Connecticut | ||
 |
| |
| Vlagge van State of Connecticut | Woapen van State of Connecticut | |
 Kaarte van State of Connecticut
| ||
| The Constitution State The Nutmeg State The Provisions State The Land of Steady Habits | ||
| Ofkorting | CT | |
| Heufdstad | Hartford | |
| Tiedzone | Oost: UTC−5/−4 | |
| Informasie | ||
| Oppervlak laand | 14 357 km² (12,6%) | |
| Inwonners - Dichtheid |
3 574 097 (2010) 271,40 inw./km² | |
| Geografie en bevolking | ||
| Too-etreaden | 9 january 1788 | |
| Antal groafskoppen | 8 | |
Connecticut is nen ståt in de Vereynigde Ståten van Amerika. Et is ouk eyne van de ståten van New England, et uuterste noordousten van de VS. Et grenst an Rhode Island in et ousten, Massachusetts in et noorden en Nyjork in et westen en süden (in et süden alleane oaver de sey med Long Island).
Name
[bewark | bronkode bewarken]De name kümt van de Connecticut-rivyr den as den ståt souwat döärmidden skeidet. Et deyl op et westen van de rivyr höyrt by et verstädelikte gebeed van de stad Nyjork, et deyl op et oosten an höyrt by et meyr landelike gebeed van New England.
Geografy
[bewark | bronkode bewarken]Städen
[bewark | bronkode bewarken]Connecticut wördt in et ousten, noorden en westen döär land begrensd, en in et süden is Long Island Sound, ne sey-inham, de uterlike grens van den ståt. De höyvdstad van den ståt is Hartford, en andere belangryke städen sint Bridgeport, New Haven, Stamford, Waterbury, Norwalk, Danbury, New Britain en Bristol. Connecticut hevt 169 städen.
Landskap
[bewark | bronkode bewarken]
Den höygsten barg is Beyr Mountain in Salisbüry in de noordwestelike pünte van den ståt. Et höygste pünt is wår de dree ståten Connecticut, Massachusetts en Nyjork samenkummet (42° 3' N; 73° 29' W) op de südelike helling van Mount Frissell, wårvan de bargpünte net in Massachusetts ligt.
De rivyr Connecticut ströymt dwars döär et midden van den ståt nå Long Island Sound. Et dichtstbevölkede gebeed is ouk et Connecticutrivyrdal. Ündanks dat Connecticut klein is wat et uppervlak angeyt, hevt et en grout skala an verskillende landskappen. Sou gevt et in et noordwesten de Litchfield-höävels med bargen en paerdebüürderyen, terwyl as New London County vöäral ründ et strand en de sey leavt.
Undanks dat Connecticut bekend steyt as nen ståt med ne lange seygeskydenisse en ne reputaty dår up baseerd, is der ginne rechtstreykse verbinding med de lösse sey. De regeyring van den ståt Nyjork löpt an et eande van Long Island wyder oaver Long Island Sound, wår et med Rhode Island ne grense förmt. Düs undanks dat Connecticut ne rechtstreykse verbinding nå de sey hevt, is der ginne oceaanküste.
De kleine städkes en dörpkes in et noordoosten en noordwesten sint heyl anders as de groute industriäle gebeden wat langs de küste van Nyjork up Nylonden en döär et Connecticutrivyrdal an ligget. Disse kleinere woansteades hebbet mangs noch nen brink. Dår ümhen ståt kenmarkende dinge vöär de geskydenisse van Nyengeland: witte karken, koloniale trefhüse, harbargen en koloniale hüse. Dat trekket nen houp turisten an.
De wolden in et gebeed sint gemengd.
Grensen
[bewark | bronkode bewarken]Southwick Jog
[bewark | bronkode bewarken]
De noordelike grense med Massachusetts wördt kenmarked döär de sounöömde Southwick Jog. Hyr wördt en klein stüksken uut Connecticut "happed". Et uutsteksel küm uuteandelik by Connecticut nå jårenlange disterye oaver wee as tohöyrden. In 1804 wör beslöäten dat et süden van Southwick by Connecticut must höyren en et andere deyl by Massachusetts.
Connecticut Panhandle
[bewark | bronkode bewarken]In et süüdweasten is noch en kenmarkend üütsteaksel, ne panhandle. dat steakt by Fairfield County den ståt Nyjork in. Dissen unregelmåtigheid is te danken an disterye oaver land in et 17. jårhunderd. Uuteandelik hevt Nyjork et opgeaven ümdat de inwoaners lever by Connecticut wolden höyren. Nyjork kreag as ruil et lange stükke land van de panhandle, up de grense med Massachusetts.
In de panhandle sint de plaatsen Greenwich, Stamford, New Canan, Daryn en en deyl van Norwalk.
Klimaat
[bewark | bronkode bewarken]Et binnenland hevt en vuchtig kontinentaal klimaat, de küste (de veer grötste städen langs de küste) grenset an et vuchtige subtropiske klimaat. As küststreake hevt den stat årdig wat sünne-üren; ungeveyr 2400 töt 2800 et jår.
De winters künnet kold enöömd worden, med ne döärsneyde wöärmde van −17 °C an de küste töt −5 °C in et noordwesten in january. Sney valt tüsken 64 cm en 254 cm dikke in et jår, med meyr sney in et noordwesten. De temperaturen in et vöär jår verskillet en et reygent der mangs. Den summerdag is et der wårm en vuchtig med döärsneyde temparuren tüsken 26 °C en 31 °C. De harvsten sint kuul en de böyme verandert in vöäle verskillende klören.
Den summerdag kummet de meyste dunderskuurs vöär; der sint in döärsneyde 30 et jår. Ouk krigt den ståt in döärsneyde eynen warvelwind in et jår üm de ouren.
| Måndelikse höygste en döärsneyde temperature in twey städen (in °F). | ||||||||||||
| Stad | Jan | Feb | Mar | Apr | Mei | Jun | Jul | Aug | Sep | Okt | Nov | Des |
|---|---|---|---|---|---|---|---|---|---|---|---|---|
| Bridgeport | 37/23 | 39/25 | 47/32 | 57/41 | 67/51 | 76/60 | 82/66 | 81/65 | 74/58 | 63/46 | 53/38 | 42/28 |
| Hartford | 34/17 | 38/20 | 48/28 | 60/38 | 72/48 | 80/57 | 85/62 | 82/61 | 74/52 | 63/41 | 51/33 | 39/23 |
| Verenigde Staoten van Amerika |  | |||||
|---|---|---|---|---|---|---|
|