Corona de San Eduardo
.jpg?lang=ast)
La Corona de San Eduardo o Corona d'Eduardo'l Confesor (n'inglés: St. Edward's Crown) ye'l tocáu emplegáu na ceremonia de coronación de los reis d'Inglaterra y por estensión del conxuntu del Reinu Xuníu en virtú de les Actes de la Unión de 1707 y 1801.
La Corona de San Eduardo, la pieza más importante de les Xoyes de la Corona Británica, ye usada pol Arzobispu de Canterbury pa coronar a los monarques del Reinu Xuníu.[1]
La corona actual foi ellaborada pa la coronación del rei Carlos II una y bones la orixinal, realizada nel sieglu XIII con motivu del treslláu de los restos d'Eduardo'l Confesor,[2] foi destruyida mientres el periodu de la Mancomunidá d'Inglaterra.
Diseñu
[editar | editar la fonte]La Corona de San Eduardo, ellaborada con oru, ye un círculu decoráu con ocho florones con forma de cruz patada y flor de lliriu que s'alternen y tán decoraos con piedres precioses. Nos florones con forma de cruz sofiten cuatro diademes que converxen na parte cimera de la corona, rematada con un orbe sobre'l que ta asitiada otra cruz patada.[3]
Esta xoya ta afatada con xemes, piedres precioses y semipreciosas ente les que s'atopen zafiros, turmalines, amatistes, topacios y citrinos (cuarzu amarellentáu). Los cantos del círculu de la base y de caúna de les diademes tán decoraos con una filera de perlles.
Esta corona pesa aproximao dos kilos.[4]
Ver tamién
[editar | editar la fonte]Referencies
[editar | editar la fonte]- ↑ www.royal.gov.uk (N'inglés)
- ↑ www.britannica.com (N'inglés)
- ↑ www.londononline.co.uk (N'inglés)
- ↑ www.royal.gov.uk (N'inglés)
| Control d'autoridaes |
|
|---|
Datos: Q1294341
Multimedia: Crown of St Edward