Danu Tamblingan
Aksara Latin
|
| Danu Tamblingan | |
|---|---|
 Danu Tamblingan ring Kabupatén Buléléng, Bali | |
 | |
| Genah | Kabupatén Buléléng, Bali, Indonésia |
| Koordinat | 8°15′25″S 115°05′49″E / 8.257056°S 115.097003°E |
| Tipe | danu kaldera |
| Aran lokal | danutam·bliṅan·. (Basa Bali) |
| Basin saking negara | Indonésia |
| Lantang maks. | 2 km (1.2 mi) |
| Linggah maks. | 1.1 km (0.68 mi) |
| Jimbar pamukaan | 1.6 km2 (0.62 sq mi) |
| Dalem maks. | 90 m (300 ft) |
| Luang toya | 0.027 km3 (0.0065 cu mi) |
| Élevasi pamukaan | 1,217 m (3,993 ft) |
| Paumahan | désa Gubug |
Danu Tamblingan (aksara Bali: danutam·bliṅan·.) inggih punika silih tunggil danu sané wénten ring Bali. Danu Tamblingan magenah ring léréng pasisi kaja Gunung Lesung, Désa Munduk, Kecamatan Banjar, Kabupatén Buléléng, Propinsi Bali. Wastan danu puniki mawit saking kruna Tamba sané maarti ubad, miwah Elingang sané maarti eling utawi ingat. Sadurungnyané wénten satua indik grubug ring wewidangan désa, krama désa precaya tur nginem yéh saking danu puniki tur sembuh. Nika mawinan danu puniki kawastanin Tamblingan (tamba élingang).
Danu Tamblingan wantah siki saking tatiga danu kembar sané kawentuk ring kaldéra ageng. Ring pasisi kangin, wénten danu Buyan miwah danu Beratan. Danu Tamblingan kaapit antuk alas sané makéh taru gedé. Nika mawinan, wewidangan danu Tamblingan sejuk tur kantun asri.
Krama désa sané meneng ring wewidangan danu puniki makéh sané miara bé ring danu Tamblingan. Tiosan puniki, krama désa puniki makarya dados petani sawiréh tanahnyané sané subur. Suasana danu sané ngulangunin ngawinang danu Batur kaanggén objek wisata olih para turisé.
Krama sané naenin meneng ring wewidangan danu Batur prasida kacingak saking pura-pura sané sampun kapurwan. Pura-pura punika makadi Pura Dalem Tamblingan, Pura Endek, Pura Ulun Danu miwah Sang Hyang Kangin, Pura Sang Hyang Kawuh, Pura Gubug, Pura Tirta Mengening, Pura Naga Loka, Pura Pengukiran Pengukusan, Pura Embang, Pura Tukang Timbang, Pura Batulepang, miwah sané tiosan.[1]
-
Pura Gubug ring sisin danu Tamblingan -
Danu Tamblingan malatar Pura Gubug -
Pura Gubug, Danu Tamblingan -
Kori meru ring Pura Gubug, Danu Tamblingan -
Jadma sembahyang nuju Pura Gubug -
prewedding ring Danu Tamblingan
.jpg?lang=ban)
.jpeg?lang=ban)
.jpg?lang=ban)
- ↑ "Objek wisata danu Tamblingan di Buléléng Bali". www.balitoursclub.net. Kaaksés 2020-05-15.