Davej

Davej
urbo ; urbego vd
Administrado
Lando	Birmo
subŝtato	Tanintario
Demografio
Loĝantaro	146 964 (2014) [+]
Geografio
Geografia situo	14° 2′ N, 98° 11′ O (mapo)14.03672777777898.186727777778Koordinatoj: 14° 2′ N, 98° 11′ O (mapo) [+]
Alto	13 m [+]
Horzono	UTC+06:30 [+]
	Davej (Birmo)
	Situo de Davej
Alia projekto
	Vikimedia Komunejo Dawei [+]
	v • d • r

Davej, aŭ Daŭei, iam Tavoj estas universitata urbego, havenurbo en suda Birmo. Ĝi estas ankaŭ ĉefurboj de subŝtato aŭ administra regiono kaj distrikto.

Laŭ la stato de 2014 en la urbo vivis 146 964 loĝantoj.

Geografio

Davej situas laŭ norda bordo de la samnoma rivero en suda parto de la lando. La Andamana Maro troviĝas 30, Jangono 234, Mandalajo 905 km [1].

Historio

La iama Tavoj estis parto de la Pagan Reĝlando inter la 11-a kaj 13-a jarcentoj. Post la kolapso de la reĝlando en 1287 la urbo iĝis parto de pluaj tajaj reĝlandoj ĝis 1564, poste la urbo apartenis al Birmo. Tajlando provizore reakiris ĝin inter 1594 kaj 1614, poste ĝi estis la plej suda birma urbo. En la malfruaj 1740-aj jaroj la regiono apartenis al Tajlando, sed ekde 1760 denove al Birmo. La britoj post la unua birma-brita milito akiris la regionon. En 1989 la angla nomo Tavoj estis ŝanĝita al Davej.

Ekonomio

En Davej la loĝantaro okupiĝas pri sekigo de fiŝoj, kaŭĉukoj, lignoj, en la najbareco pri nuksoj kaj ties komercadoj. Oni kultivas ananasojn, mangojn kaj rizojn. Estas plano fari el la havenurbo marhavenan urbon.

Trafiko

Nur lastatempe estis Davej ligita al la resto de Mjanmao per vojo kaj relo. Internacia aŭtovojo kaj fervoja linio al Bangkoko estas planitaj, se la menciita havenprojekto daŭriĝos. La urbego havas flughavenon.

Klimato

Davej situas en musona tropika klimato. La pluva sezono daŭras de majo ĝis oktobro. La jara suma precipitaĵo estas 5500 mm, en ĉiuj monatoj pluvas. La averaĝa jara temperaturo varias 22-31 °C.

Fontoj

artikolo el la Encyclopædia Britannica (angle)