Discussioni:Psicoluggìa

A psicoluggìa eni na "scienza"?

Nun sugnu tantu d'accordu a cunzidirari a psicoluggìa na scienza.
Sicunnu a wikipedia angrisi...
:(...) Psychology (...) is an academic and applied discipline involving the scientific study of mental functions and behavior.
Ovveru a psicoluggìa eni na disciplina accademica e appricata cavi a chi fari cu lu studiu scientificu di li funzioni mintali e lu cumpurtamentu.
U fattu ca unu "studia scientificamenti" nun eni, sicunnu mia, na cundizzioni nicissaria e sufficienti pi fari divintari so ca sturìa na "scenza".
A stessa wikipedia angrisi dici puoi ca "ci avi a chi fari cu lu studiu scientificu".
Ma in sustanza eni da disciplina accademica.
Nu cuntinutu ppi ssiri cunzidiratu scientificu avissi assiri falsificabbili sicunnu a bonanima di l'epistemolugu Karl Popper.
Comu si po falsificari na funzioni mintali?
Maurice Carbonaro (msg) 11:07, 17 jin 2009 (CET)

• Sugnu d'accòrdiu cu Maurice. Ortri a chiddu ca dici iddu, quarsiasi cosa pi èssiri cunziddirata scintifica privedi ca, chiddu ca è, hà aviri la carattiristica ca cuegghè la pò riproducìrila cu lu stissu risurtatu, tinennu pirò accura ca tutti li cunnizzioni spirimintali hann'a èssiri sempri li stissi.

La psicoluggìa tuttu è, tranni ca aviri lu stissu midèsimu risurtatu finali tra nu suggettu (criastinu o armalu) e n'àutru. Si accussi fussi, allura veni a diri ca si quarchidunu si mittissi 'n testa di nnirizzari lu cumpurtamentu di na massa di cristiani ammeri na quarchi cosa, e lu facissi scintificamenti cû studiu dû cumpurtamentu umanu, avissìmu aviri na rispunnuta di tutta la massa pricisa, la stissa pi tutti li cristiani ca fàciunu parti di ssa massa. Ssu finòminu succedi 'n parti, ma n'àutra parti di suggetti arispunni 'n manera diffirenti (e macari ntâ parti c'arispunni comu vulìa lu nnirizzamentu, la rispunnuta non è pricisa, ma cancia di suggettu a suggettu): tuttu chissu voli diri ca la psicoluggìa nun è na scenza, ma simpricimenti lu studiu dî cunpurtamenti (forsi, ma spiriamu no, ntô futuru addiventa na scenza; pi ora semu ancora ô studiu).

Jù canciassi stu passu ca dici

• «La psicoluggìa muterna è na scienza, sia dû puntu di vista dî fini chi dî mètudi; si pò difiniri comu lu studiu dî rapporti... »

accuddì

«La psicoluggìa muterna si pò difiniri comu lu studiu dî rapporti... »

Chi ni pinzati ?--Santu (msg) 16:59, 17 jin 2009 (CET)