Distributivitet

Distributivitet eller den distributive lova er ein algebraisk relasjon som knyter saman addisjon og multiplikasjon:

$\ a\cdot (b+c)=a\cdot b+a\cdot c$

Vi seier at multiplikasjon er distributiv med omsyn til addisjon. Meir generelt snakkar vi om den distributiv lova kvar gong vi har ein algebraisk relasjon som over, sjølv om operasjonane · og + kan vere andre operasjonar enn vanleg multiplikasjon og addisjon av tal, sjå ring.

Ein seier vidare at den binære operasjonen $\cdot$ venstredistribuerer over ein binær operasjon $+$ dersom $a\cdot (b+c)=a\cdot b+a\cdot c$ og høgredistribuerer over ein binær operasjon $+$ dersom $(a+b)\cdot c=a\cdot c+b\cdot c$ for alle a, b og c. $\cdot$ distribuerer over + dersom han er både venstre- og høgredistributiv. Ein algebraisk struktur er distributiv dersom han har ein binær operasjon som distribuerer over ein annan.

Kjelder

• «distributive lov». Store norske leksikon. 1. november 2011.