Edmond Halley

Edmond Halley
Portrett av Thomas Murray, ca. 1687
Fødd	8. november 1656(1656-11-08) Haggerston i Middlesex i England0
Død	14. januar 1742 (85 år) Greenwich i Kent i England
Nasjonalitet	engelsk
Område	Astronomi, geofysikk, matematikk, meteorologi, fysikk, kartografi
Yrke	matematikar, geofysikar, astronom, meteorolog, kartograf, filosof, fysikar, universitetslærar, klimaforsker
Institusjonar	Greenwich-observatoriet Royal Mint University of Oxford
Alma mater	University of Oxford
Kjend for	Halleys komet
Ektefelle	Mary Tooke
Barn	Dr Edmond Halley (d. 1741) Margaret (d. 1713) Richelle (d. 1748)
Medlem	Royal Society

Edmond (el. Edmund) Halley (29. oktober 1656–14. januar 1742) var ein engelsk astronom, geofysikar, matematikar, meteorolog, klimatolog og fysikar. Han har gjeve namn til fleire astronomiske fenomen, mellom anna Halleys komet.

Liv og karriere

Halley var son av ein rik såpemakar og blei fødd i Haggerston i London. Han gjekk på St Paul's School og var frå 1673 student ved The Queen's College i Oxford. Allereie før han tok noka grad gav han ut artiklar om solsystemet og solflekkar.

Etter at han gjekk ut av Oxford i 1676 drog han til øya St. Helena i Sør-Atlanteren for å studera den sørlege stjernehimmelen. Han kom tilbake til England i november 1678, og gav året etter ut Catalogus Stellarum Australium, som skildra 341 sørlege stjerner. For dette viktige bidraget til astronomien blei Halley likna med Tycho Brahe. Han fekk grada Master of Arts ved Oxford og blei vald inn i det kongelege vitskapslaget, Royal Society.

Andre ting namngjevne etter Edmond Halley

• Halleys komet
• Halleykrateret på mars
• Halleykrateret på månen
• Halley Research Station — ein forskingsstasjon i Antarktis

Kjelder

• «Edmond Halley» på Engelsk Wikipedia
  Denne artikkelen er ei spire. Du kan hjelpe Nynorsk Wikipedia gjennom å utvide han.