El Gaviotu
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| El Gaviotu | ||
|---|---|---|
| Información | ||
| Sexu | masculín | |
| [editar datos en Wikidata] | ||
El Gaviotu ye un personaxe gráficu creáu pol dibuxante pixuetu Juan Martínez García-Rovés (Cuideiru, 6 de setiembre de 1906 – Xixón, 1978).
La primera viñeta de El Gaviotu asoleyóse nel diariu xixonés Voluntad (perteneciente a la Prensa del Movimientu) el día 17 de febreru de 1952. Cola integración d'esti periódicu en La Nueva España, d'Uviéu, (tamién perteneciente a la Prensa del Movimientu) el personaxe continuó apaeciendo nel diariu uvieín. A partir d'esa primera viñeta El Gaviotu y Rovés convirtiéronse en cronistes de la vida cotidiana de Xixón sofitándose nel humor playu del personaxe, siendo'l barriu de Cimavilla y la playa los escenarios preferidos de les sos correríes. Tamién el fútbol ye otru de los motivos de les viñetes de El Gaviotu, faciendo balance de l'actualidá del Sporting.
Buena parte de los alredor de 7.500 chistes asoleyaos por Rovés y nos que El Gaviotu yera'l personaxe central, recoyéronse en dos publicaciones: “400 chistes del Gaviotu” y “Coses del Gaviotu de Rovés”.
Referencies
[editar | editar la fonte]Enllaces esternos
[editar | editar la fonte]| Control d'autoridaes |
|
|---|
Datos: Q13147072