El Maderal
| El Maderal | |||
|---|---|---|---|
 | |||
municipo en Hispanio  vd
| |||
| Administrado | |||
| Poŝtkodo | 49719 | ||
| Demografio | |||
| Loĝantaro | 175 (2023) [+] | ||
| Loĝdenso | 6 loĝ./km² | ||
| Geografio | |||
| Geografia situo | 41° 17′ N, 5° 37′ U (mapo)41.2812662-5.6218396Koordinatoj: 41° 17′ N, 5° 37′ U (mapo) [+] | ||
| Alto | 840 m [+] | ||
| Areo | 29,71 km² (2 971 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo El Maderal [+]
| |||
El Maderal estas municipo de la provinco Zamoro, en la regiono Kastilio-Leono, Hispanio. Ĝi apartenas al La Guareña en la plej sudoriento de la provinco. El Maderal estas tradukebla etimologie al La lignejo.
Ĝia municipa teritorio estas formata de unusola loĝloko, okupas totalan areon de 29,71 km² kaj laŭ la demografia informo de la municipa censo fare de la INE en 2021, ĝi havis 177 loĝantojn. Ĝi perdis ĉirkaŭ 600 loĝantojn ekde la komenco de la 20-a jarcento pro la migrado el ruraj zonoj al urboj. Ĝi distas 36 km de Zamoro, provinca ĉefurbo, kaj limas kun Villamor de los Escuderos, Argujillo, Fuentespreadas, Cuelgamures, El Cubo del Vino kaj Topas, tiu lasta de la provinco Salamanko.
Estas romiaj restaĵoj, sed la setlejo mem fondiĝis en la 12-a jarcento. Mezepoke estis kvartalo de judoj, unu el malmultaj registritaj en la provinco. En postaj jarcentoj suferis pro militoj kaj ĉefe dum la Hispana Milito de Sendependigo.
La tradiciaj agrikulturo (cerealoj, vitoj) kaj brutobredado (bovoj kaj ŝafoj) lastatempe iom dekadencis, sed pluas. Lastatempe rura turismo ekgravis.