Elbląg

Elbląg

Bandeira Brasón
Localización
54°09′08″N 19°24′32″L
Estado	Polonia
Voivodatos	Varmia e Masuria
Capital de	Elbląg Voivodeship (1454–1466) (en) Elbląg Voivodeship (en) (1975–1998)
Poboación
Poboación	115.220 (2021) (1.443,5 hab./km²)
Xeografía
Superficie	79,82 km²
Comparte fronteira con	Comuna de Elbląg (pt) Comuna de Tolkmicko (pt) Comuna de Milejewo (pt)
Creación	1237 (Gregoriano)
Organización política
Membro de	Union of the Baltic Cities (en)
Identificador descritivo
Código postal	82-300–82-315
Fuso horario	UTC+01:00, horario estándar UTC+02:00, horario de verán
Outro
Irmandado con	Compiègne Baoji (pt) Coquimbo Tainan Trowbridge (pt) Nowy Sącz (pt) Navahrudak Ternopil (pt) Druskininkai (en) Barßel Baltiysk (en) Hîncești (en) Leer Liepāja (1991–) Kaliningrado (1994–)
Páxina web	umelblag.pl

Elbląg (ˈɛlblɔŋk Pl-Elbląg-2.ogg ; en alemán: Elbing; en prusiano antigo: Elbings) é unha cidade do norte de Polonia, no límite oriental da rexión de Żuławy, que contaba con 119.317 habitantes (decembro 2019). É a capital do condado de Elbląg e encóntrase (desde 1999) dentro do voivodato de Warmian-Masurian. Anteriormente era a capital do voivodato de Elbląg (1975–1998) e tamén foi un condado do voivodato de Gdańsk (1945–1975).

Elbląg é unha das cidades máis antigas da provincia. A súa historia remóntase a 1237, cando a Orde Teutónica construíu unha fortaleza nas marxes do río homónimo. O castelo posteriormente funcionou como sede oficial dos Mestres da Orde Teutónica.

Elbląg formou parte da Liga Hanseática, o que contribuíu moito ao progreso da cidade. Grazas ao acordo hanseático, a cidade foi vinculada a portos importantes como Gdańsk, Lübeck e Ámsterdam. Elbląg uniuse a Polonia en 1454 e despois da caída da Orde Teutónica na Guerra dos Trece Anos recoñeceuse como parte de Polonia na Segunda Paz de Thorn en 1466. Entón prosperou e tornouse nun polo comercial importante, mais o seu crecemento foi finalmente paralizado pola Segunda Guerra do Norte e o Diluvio sueco

A cidade foi transferida a Prusia tras a primeira partición de Polonia en 1772. O seu papel comercial foi grandemente debilitado até a era da industrialización, que ocorreu no século XIX. Foi entón cando se proxectou o canal de Elbląg.

Despois da segunda guerra mundial a cidade volveu a formar parte de Polonia. As perdas da guerra foron catastróficas, especialmente a destrución do distrito da Cidade Vella, un dos máis espléndidos da Prusia Oriental.

Hoxe, Elbląg ten sobre 120.000 habitantes e é unha "cidade vibrante cunha base turística atractiva". Funciona como un centro académico e financeiro e entre os seus numerosos monumentos históricos destacan a Porta do Mercado de 1309 e a catedral de San Nicolao. Elbląg é tamén coñecida polos seus sitios arqueolóxicos, museos e a cervexaría Elbrewery, a máis grande do país.

A canle de Elbląg, construída en 1825–44 baixo dominio prusiano é tamén un atractivo turístico de Elbląg. A canle é considerada unha das construcións máis importantes da historia da enxeñaría, e foi nomeada como unha das Sete Marabillas de Polonia. O canal foi tamén recoñecido oficialmente como Monumento Histórico (Pomnik historii) en 2011 e polo seu mantemento vela o Instituto Nacional de Patrimonio de Polonia.

Etimoloxía

Elbląg vén do antigo alemán Elbing, que era o nome co que os Cabaleiros Teutónicos denominaron as ribeiras do río do lugar e da cidadela que estabeleceron alí en 1237. O propósito da cidadela era evitar a reocupación polos antigos prusianos de Truso, pois os cruzados alemáns estaban en guerra cos prusianos pagáns. A cidadela foi nomeada así polo río, de orixe etimolóxica incerta. Unha etimoloxía tradicional conéctaa cos helveconas, un pobo xermánico mencionado tanto en fontes gregas como latinas, mais descoñécese a lingua deste pobo e a orixe etimolóxica deste nome. A mención máis antiga que se coñece do río ou da poboación de Elbing é na forma Ylfing, dada polo viaxeiro Wulfstan a finais do século IX, en As viaxes de Ohthere e Wulfstan, escrito en anglosaxón durante o reinado de Alfredo o Grande.