Emiratu

Emiratu
	forma de gobiernu
	reinu, Estáu islámicu y estáu

Un emiratu (árabe: إمارة imāra, plural: إمارات imārāt) ye un territoriu políticu so l'alministración d'un emir,^[1] siendo un tipu de monarquía carauterística d'Oriente Mediu y el Mundu Árabe. N'árabe, el términu puede ser xeneralizáu a una provincia o país que ye alministráu por un miembru de la clase dominante.

Dende un puntu de vista históricu, un emiratu ye una unidá pólitico-relixosa menor qu'un califatu, dándose l'interés de que la península Ibérica foi'l primer territoriu onde un emiratu convirtióse, autoproclamándose, nun califatu.

Dellos equivalentes del términu pueden ser los principaos nel mundu occidental y los beylicatos del antiguu Imperiu otomanu.

Llista d'emiratos

Emiratos actuales

Na actualidá, esisten delles unidaes polítiques correspondientes a emiratos na península arábiga. D'éstos, dos son estaos independientes y siete formen una confederación d'emiratos, los Emiratos Árabes Xuníos.