Emma Kirkby

Emma Kirkby
	; (2015) Irudi gehiago
Bizitza
Jaiotza	Camberley, 1949ko otsailaren 26a (75 urte)
Herrialdea	Erresuma Batua
Hezkuntza
Heziketa	Somerville College ; Sherborne School for Girls (en) ; Hanford School (en)
Hizkuntzak	ingelesa
Jarduerak
Jarduerak	opera abeslaria
Jasotako sariak	ikusi Britainiar Inperioko Ordenaren dama komendadorea ; honorary doctor of the University of Bath (1994) ; Handel Prize (1997) ; The Queen's Medal for Music (2010) ;
Genero artistikoa	musika klasikoa
Ahots mota	sopranoa
Musika instrumentua	ahotsa
	emmakirkby.com

Carolyn Emma Kirkby (Cambridge, Ingalaterra, 1949) sopranoa da.

Biografia

Somerville Collegen (Oxfordeko Unibertsitatea) ikasi zuen. Zenbait abesbatza eta musika-taldetan parte hartu zuen, eta, aurrerago, Barrokoko eta Errenazimentuko musikarekin zaletu zen bereziki. Jessica Cashekin ikasi zuen kantua Londresen, eta antzinako musika berreskuratzeko sortu zen mugimenduan parte hartu zuen. 1974an egin zuen debuta Londresen, eta, lau urte geroago, New Yorken.

Haren ahots naturalari eta musikarako berezko dohainari esker, musika klasikoaren aurreko abeslari onenetako bat bilakatu zen. Lehenengo lanak Musica Reservata, Consort of Musicke, Taberner Players eta Academy of Ancient Music taldeekin egin zituen. Aurrerago, bakarlari gisa hasi zen, eta kontzertuak eman zituen mundu osoan. Anthony Rooley laut-jotzailearekin eta haren Consort of Musickerekin egindako lanari esker, bere ahotsaren ezaugarriekin erabat adosten den errepertorioa sakondu zuen. Ezaugarri horiek bereziki nabarmenak dira laut eta ahotserako britainiar abestien grabazio eta kontzertuetan.

Ehundik gora disko grabatu ditu, era askotakoak: Monteverdiren madrigalak, Händelen italiar kantatak, John Dowland eta Robert Jonesen lauterako abestiak eta abar.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

(Ingelesez) Emma Kirkbyren webgunea

Datuak: Q242430
Multimedia: Emma Kirkby / Q242430