Emmanuelle Chriqui
Anne Sophie Emmanuelle Chriqui es una aktrisa kanadiense, la kuala aktua tanto en filmos komo en televizyón. El su rol en la serie Entourage de la HBO komo Sloan i en Unscripted komo eya misma, endjunto kon dos aparisiones en The O.C komo Jodie muchiguáron la visivilidá i la su popularidad enel mundo del entretenimyénto. En Mayo del anyo 2006, el magazin Maxim la ubikó enel lugar 37 en la su lista anuala Hot 100.[1]
Biografiya
[trocar | trocar el manadero]Chikés
[trocar | trocar el manadero]Chriqui (alkunya pronunsiada komo el inglez shreeky) nasió en Montreal, Quebec el 10 de Disiembre de 1977 i es ija de djudios marrokis [2].[3]. La su madre nasió en Kasablanka i el su padre en Rabat.[4] Chriqui tiene famiya en Israel i resivió la su edukasion en un Talmud Tora i kresio en una famiya relijioza.[5]
Emmanuelle Chriqui tiene un ermano mayor, Serge, i una ermana mayor, Laurence. Kuando eya tinía 2 anyos, la su famiya se mudó a Toronto (Ontario). Eya kresió en Unionville (Markham), una viya al nord-oeste de la siudad.[6] De ninya, tomó lisiones de aktuasion, las kualas las pagó el si ermano Serge enel Unionville High School.[7] Dempues de akabar el lisé, Emmanuelle desidió sigir kon la su karriera komo aktrisa.
Karriera komo aktrisa
[trocar | trocar el manadero]Chriqui empiesó a aktuar a los 10 anyos en anunsios de la kadena de restorantes amerikanos McDonald's. Ya de mansevika, se fue a bivir a la sivdad de Vancouver, ande empiesó aktuando en alkunos kapitolos de series komo Are you afraid of the dark?, Forever Knight, Once a Thief i Psi Factor: Chronicles of the Paranormal. La su priméra aktuasion en Hollywood fue un rol chiko en Detroit Rock City (1999). Dempués aparesió en alkunos filmos komo 100 Girls, On the Line' i In the Mix. Ma afilú la su karriera amijoró kuando fue la estreya, endjunto a Cameron Douglas del filmo National Lampoon's Adam & Eve ande eya tinía el rol d'una Havá inosente i ermoza. Uno de los sus má resientes papeles fue en el filmo la película "You Don't Mess with the Zohan, ande eya interpreta a Dalia, una palestina ke bive en la sivdad de Mueva York, i de la kuala se enamora Adam Sandler. Mientes la su karriera en filmos iva amijorando, ainda tinía tyémpo para aktuar en la televizyón. Aktuó en la serie Entourage komo Sloan McQuewick, i endemas izo de extra enel show Unscripted. Emmanuelle Chriqui endemás a tinido aparisiones en otros programas de televizyón. Emmanuelle Chriqui resivió una nombrasion komo Amijor Aktrisa en los premios DVD Exclusive por la su aktuasion en 100 Girls i fue endemas nombrada kon Lance Bass, a los premios Choice Liplock Teen Choice por On the line.[8]Resyentemente, resivió el Premio Standout de interpretasion en los Premios Djovenes de Hollywood.[9] La su proksima aktuasiyon va ser en una komedia yamada Woman in Trouble, ande van apareser varias mujeres kon las sus vida relasionadas de alkuna manera.
Vida personala
[trocar | trocar el manadero]Emmanuelle Chriqui tiene desde má de 5 anyos una relasion kon un arkitekto.[10] Emmanuelle Chriqui, asigun el Show de Tony Danza, esta serkana a resivir la sivdadaniya amerikana.
Filmografiya
[trocar | trocar el manadero]| Anyo | Titolo | Rol | Notas |
|---|---|---|---|
| 1995 | Kung Fu: The Legend Continues | Bumper | Televizyón (1 kap.) |
| Harrison Bergeron | Jennie | Telefilm | |
| Forever Knight | Jude Deshnel | Televizyón (1 kap.) | |
| The Donor | Patty | Video | |
| 1996 | El club de medianoche (Are you afraid of the dark?) | Amanda | Televizyón (1 kap.) |
| 1997 | PSI Factor: Chronicles of the Paranormal | Melissa | Televizyón (1 kap.) |
| The Adventures of Sinbad | Serendib | Televizyón (1 kap.) | |
| Kyûketsuki Miyu | Hisae Aoki | Manga ( 14 ep.) Boz | |
| 1998 | Principal Takes a Holiday | Roxanne | Telefilm |
| Alien Abduction: Incident in Lake County | Renee Laurent | Telefilm | |
| Once a Thief | Televizyón (1 kap.) | ||
| Futuresport | Gonzales | ||
| 1999 | Detroit Rock City | Barbara | |
| 2000 | Ricky 6 | Lee | |
| Snow Day | Claire Bonner | ||
| 100 Girls | Patty | ||
| 2003 | On the Line | Abbey | |
| 2003 | Wrong Turn | Carly | Muere kortada por un acha por un kanival |
| Rick | Mujer del Duke | ||
| Jake 2.0 | Theresa Carano | Televizyón (1 kap.) | |
| 2005 | The O.C | Jodie | Televizyón (2 kap.) |
| Candy Paint | Angela Martínez | ||
| Unscripted | Emmanuelle | Televizyón (3 kap.) | |
| Waiting | Tyla | ||
| The Crow: Wicked Prayer | Lilly | ||
| National Lampoon's Adam & Eve | Eve | ||
| In the Mix | Dolly | ||
| 2006 | Waltzin' Anna | Jill | |
| Deceit | Emily | Telefilm | |
| 2007 | After Sex | Jordy | |
| Entourage | Sloan | Televizyón (12 kap.) | |
| 2007 | After Sex | Jordy | |
| Cadillac Records | Revetta Chess | ||
| 2008 | August | Morela | |
| You Don't Mess with the Zohan | Dalia | ||
| Tortured | Becky | ||
| 2009 | Saint John of Las Vegas | (TBA) |
Referensias
[trocar | trocar el manadero]- ↑ Emmanuelle Chriqui of 2006 Hot 100 on Maxim.com
- ↑ Sideshow: Queen is royally displeased. Djurnal Philadelphia Inquirer
- ↑ 'In the Mix' with Emmanuelle Chriqui at Hollywood.com
- ↑ HBO: Entourage: Interview: Emmanuelle Chriqui
- ↑ Generation J interview with Emmanuelle Chriqui
- ↑ Emmanuelle Chriqui
- ↑ Adam Sandler's costar, Emmanuelle Chriqui - Who's News Blog - USAWEEKEND.com
- ↑ Emmanuelle Chriqui - Awards
- ↑ Emmanuelle and Donald scoop Hollywood awards
- ↑ EMMANUELLE CHRIQUI INTERVIEW | Women's Health Magazine
