Errusiar Inperioko Maila Taula

Errusiar Inperioko Maila Taula (errusieraz Табель о рангах; Tábel o rángaj), militarren artean, gobernuan eta Errusiar Inperioko gorteko posizio eta mailen zerrenda formal bat zen. Petri I.a Errusiakoa Handiak ezarri zuen 1722an, antzinako noblezia eratzen zuten boiardoen boterearen aurkako bere borrokan.

Hilara taulak, pertsona baten posizioa eta egoera zehaztu zuen, tsarrarekiko zuen zerbitzuaren arabera, jaiotza edo aurrekarien arabera baino gehiago. Taula, 14 maila edo posizioz osatua zegoen, pertsonen prestakuntzaren arabera (funtzionario, militar, epaile, akademiko, eliz gizonak...). Gorengo 5 mailek, oinordekotzako noblezia ematen zuten, 6., 7. eta 8. mailek, bizi osorako noblezia ematen zuten (Leninen aita 6. mailan zegoen heziketa administrari bezala), eta, gainontzeko mailek, nobleziaren pribilegio eta eskubideak, soilik kargua betetzen zen bitartean ematen zituzten. Administrazioan zehar, mailaz, 4 urtetik behin igotzen zen, baina zaila zen gorengo mailetara iristea bertan noblezian edo gortean senidetasun harremanik izan gabe. Urteen igaroan, gorengo mailak, lurjabedun nobleziatik zetozen pertsonek hartu zituzten.

Maila edo Posizio Taula honek, 1917ko iraultza arte iraun zuen. 1914an, errusiar noblezia, ia 1.000.000 pertsonaz osatua zegoen (herrialdeko biztanleriaren %0,6a), administrazioko, indar armatuetako eta diplomaziako postu guztiak hartzen zituena.

Adibidea administrazioan

Maila	Izena (errusieraz)	Izena (euskaraz)
I	Канцлер	Kantziler
II	Действительный тайный советник	Oraingo Sekretu Kontseilaria
III	Тайный советник	Sekretu Kontseilaria
IV	Действительный статский советник	Oraingo Estatu Kontseilaria
V	Статский советник	Estatu Kontseilaria
VI	Коллежский советник	Kolegio Kontseilaria
VII	Надворный советник	Gorte Kontseilaria
VIII	Коллежский асессор	Kolegio Aholkularia
IX	Титулярный советник	Kontseilari Nagusia
X	Коллежский секретарь	Kolegio Idazkaria
XI	Корабельный секретарь	"Ontzi Idazkaria"
XII	Губернский секретарь	Gubernia Idazkaria
XIII	Синодский / Сенатский регистратор	Sinodo / Senatu Eskribaua
XIV	Коллежский регистратор	Kolegio Eskribaua

Kanpo estekak

(Errusieraz)Maila Taula

Datuak: Q929093