Estocolmo

	Estocolmo; Stockholm
	Localidat de Suecia
	; Anvista d'Estocolmo en a nuei.
Estau; • Provincia; • Condau	Suecia; Södermanland; Estocolmo
Superficie	188 km²
Población; • Total	; 975819 hab. (2021)
Codigo postal	100 00–200 00
Coordenadas	59°19’45’’N18° 4’ 6’’E
	Estocolmo Estocolmo en Suecia
	Estocolmo Estocolmo en Europa
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Estocolmo (en sueco y oficialment Stockholm, [stɔkːɔlm] ▶ ⁽ⁱ⁾) ye una ciudat de Suecia que ye a capital d'o país, amás d'estar a ciudat con mayor numero d'habitants de Suecia. Ye un municipio d'a provincia de Södermanland, uno d'os 290 municipios de Suecia, encara que coloquialment ta muitos Estocolmo comprén tot o suyo condau, o condau d'Estocolmo, con arredol de 2.000.000 habitants.

A suya población ye de 802.611 habitants (2008), en una superficie de 188 km², con una densidat de población de 4.269,21 hab/km².

A ciudat ye situata a cantos d'a mar Baltica, y ye formata en parti por cuantas islas en o laco Mälar (por ixo ye clamata a vegatas a Venecia d'o norte).

Dende 1988 a ciudat ye dividita en 18 districtos.

Fa parte d'a Organización d'as Ciudaz d'o Patrimonio d'a Humanidat.

Cheografía

Situación

A ciudat d'Estocolmo ye situata a l'este de Suecia, en a costa d'a mar Baltica. Encara que inicialment a ciudat d'Estocolmo fue establita en a isla de Gamla Stan, entre o laco Mälaren y a mar Baltica, dimpués a ciudat creixió ta lo norte (islas de Norrmalm y d'Östermalm) y ta lo sud (isla de Södermalm), dica estendillar-se hue por un total de 14 islas, fendo asinas de l'augua un elemento de muita impotancia en a vida d'a ciudat. Por ixo, a ciudat d'Estocolmo tien 53 puents, ta facilitar as comunicacions entre as islas que forman a ciudat.

Amás, arredol d'a ciudat bi ha un archipelago de milers de chicotas islas en o laco Mälaren, estando uno d'os lugars d'ocio d'os habitants d'a ciudat.

Climatolochía

Estocolmo, encara que ye a o canto d'a mar, tien un clima de tipo clima continental, por estar en una latitut muit septentrional y por estar tamién luent de l'Oceano Atlantico, que poderba moderar as influencias climatolochicas continentals.

As estacions son muit marcatas, con hibiernos fridos y verans suaves u mesmo calorosos, en parti por os cambios en a durada d'o día entre o solsticio de verán (mas de 18 horas de luz solar) y o solsticio d'hibierno (con nomás 6 horas). Bi ha 1.800 horas de sol/anyada. Os records de temperatura rechistratos son de 38 °C de temperatura maxima y -32 °C de temperatura minima.

Esporte

Instalacions esportivas

D'entre as suyas instalacions esportivas cal destacar o Globen Arena, un estadio cubierto multifuncional que en o momento d'a suya inauguración yera l'edificio esferico mas gran d'o mundo y ye utilizau prencipalment pa la practica d'esportes de chelo.