Eugène Noël

Eugène Noël
Persona informo
Naskiĝo	28-an de marto 1855 (1855-03-28) en Nanto
Morto	8-an de februaro 1921 (1921-02-08) (65-jaraĝa) en Nanto
Lingvoj	Esperanto
Ŝtataneco	Francio
Okupo
Okupo	esperantisto

Eugène NOËL (28-a de marto 1855 en Nancio – 8-a de februaro 1921 samloke) estis franca esperantisto kaj militista kuracisto.

Noël estis unue militkuracisto en Alĝerio kaj parolis flue la araban lingvon. Li verkis araban gramatikon, sed, ne sufiĉe kontenta pri sia laboro, mem detruis sian manuskripton. Tiu detalo montras, kiom severa li estis kontraŭ si mem.

Longatempe Noël estis sekretario de la grupo de Nancio (Nancy), kies animanto li estis kun Frecot kaj Henri Maresquelle. Komitatano de Société pour la propagation de l'Espéranto. Li skribis kaj verkis senhalte kaj kunlaboris ĉe la Esperantaj revuoj L'Espérantiste, La Revuo, Juna Esperantisto, Oficiala Bulteno de TEKA ktp. Li estis la precipa kunlaboranto de Cart en , Lingvo Internacia kaj recenzisto. Noël direktis la ,Lorenan-Esperantan gazeton' (1905-1908), kaj poste la Lorenan Stelon. Li kontribuis al Anatomia Vortaro kaj Literatura Almanako. Sed precipe li estis laborema tradukisto de klasikaĵoj. L. Bastien juĝas en Enciklopedio de Esperanto en 1933: "stilo rimarkinde bela, tradukoj mirinde fidelaj".

Nekrologo verkita de Th.C. aperis (sur enmetita folio) en postmilita eldono (numeroj 248-252 - 1914-1920) de Lingvo Internacia.

Elektitaj verkoj tradukitaj

• Lord George Byron:
  • Ĉielo kaj Tero 1906.
• Rolandkanto, 1906.
• Aristofano: Plutos, 1906. 2a eld. 1998.
• Plaŭto: Rudens, kvinakta komedio, 1906.
• René Descartes: Parolado pri la Metodo (kun prof. Thiaucourt) 1906.
• Racine:
  • Esther, tragedio, 1906.
  • Athalie, tragedio, 1906.
• Planard: Procirkonstanca Edzo, vaŭdevilo, 1908.
• Marc Sangnier: Ofero de Monaĥo. Noveleto eltirita el la libro « La vie profo nde», 1909?
• Frederic Mistral: Mirejo (kun Paul Champion) 1909.
• Huot-Sordot: En la lando de la Blanka Monto, 1913.

	„ Tre bonstila kaj agrable presita libro priskribanta, ne kun sekeco de gvidlibro, sed kun bonhumoro de sperta turisto, la belaĵojn de la regiono de la Blanka Monto. La bela aspekto de tiu eldonaĵo estas pliigita de multnombraj klaraj kaj belegaj fotografaĵoj. ” — Belga Esperantisto n067 (maj 1914)

Bibliografio

• Szerdahelyi, István. Krestomatio de Esperanta Literaturo. Tekstoj, dataro, bibliografio. Vol. III. Budapest 1982, p. 105-108 (kun foto)

Eksteraj ligiloj

• Libroj Arkivigite je 2016-03-06 per la retarkivo Wayback Machine de kaj pri Eugène Noël en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
• Enciklopedio de Esperanto/N en sia originala formo en la Interreto
• Enciklopedio de Esperanto en elŝutebla versio (PDF).