Eugenio Driutti

Eugenio Driutti
Biografía
Nacemento	14 de xaneiro de 1949 (75 anos); Tarcento, Italia (pt)
Actividade
Ocupación	artista, medallista

Eugenio Driutti, nado en Tarcento (Udine) o 14 de xaneiro de 1949, é un gravador, medallista e deseñador de moedas italiano.

Traxectoria

Eugenio Driutti estudou medallística na Escola de Arte da Medalla Giuseppe Romagnoli, da Casa da Moeda do Estado, en Roma, onde ingresou no curso 1971-1972. Alí formouse con mestres como Pietro Giampaoli e pasou a formar parte da chamada escola friulana de medallistas.^[1]

Logo da súa formación en Roma ingresou nun taller en Udine, onde se instruíu nas artes do gravado con cicel, ata que en 1981 se incorporou ao cadro de gravadores da ceca pública italiana.^[1]

Obra

Eugenio Drutti é autor dun bo número de moedas, tanto circulantes como conmemorativas, cuñadas non só para Italia senón tamén para a Cidade do Vaticano e para a República de San Marino.^[1]^[2]

Entre os seus traballos máis salientables están, entre outros, o anverso da moeda dun céntimo de euro de Italia^[3] e os reversos das moedas de 200 liras de 1990 e de 1992, conmemorativas do Consello de Estado italiano e da Exposición Filatélica Xénova 92, respectivamente.^[4]^[5]