Euverlèk:Naordelik Oes-Limburgs

Natuurlek is hei väöl mie euver te vertèlle, veural euver de intern versjèlle. 't Steurde miech evels al te zier tot dit al jaore zoe roed waor gebleve. Steinbach 🦇 (euverlègk) 18 mrt 2021 13:17 (CET)[reageren]

't Zuut al good oet :) --OosWesThoesBes (euverlègk) 18 mrt 2021 16:46 (CET)[reageren]

"De sjerplang oo klink in de Roerstreek dèks es oea." Dit zinke kan ich neet good plaatse. Inne Roerstreek (inne zin van Mieëlik, Berg en Vloearep) kómme gaar gèn óneigelike diftonge veur en volg m'n 't Remunjs (heer, sjoon, dreug), in Hirkebós is 't mich ram óndudelik (volges Bakkes heier, sjouen, druieg, mer ich kan det nörges verifiëre; wie ich 't zeen mót Hirkebós mieër euvereinkómme mitte Boesj/Zelfkantj/Zitterd), in ajerwèts Posters is 't hier, sjoewn, dreujg (allewiel ouch wie Remunj) en allein in Mofert zaet me hieër, sjoean, druueg. De insigste plaatse die ich hiebie nag kin verneume wo 't geliek is aan Mofert zeen Maerem, Herten en Oeal die kwa dialek väöl euvereinkómme mitten angere kantj vanne Maas (Häör/Hael, ouch dao dus hieër, sjoean, druueg), mer óm dees drie dörper same mit Mofert de Roerstreek te neume geit mich get wied. 't Insigste waat mit dees oetspraok euvereinkump is det ich in e miljard versjeie dialekóngerzeukskes 't inkel veurbeeldj oeëlik zeen es 'n verajerd waord veur ooj/un, det dan gebroek wuuert in Hirkebós, Vloearep en Postert (mer in ei werk van Georg Cornelissen aangegaeve es oeëlik/aolik, wobie d'n diftong dus ouch óngeroet gehaoldj wuuert) en döks trouwes aangegaeve es H/V/P bevinje zich in 't uterste naordwèstelike oeëlik-gebied. --OosWesThoesBes (euverlègk) 18 mrt 2021 19:33 (CET)[reageren]

Sjerplang oo: deh, dat zal daan wel zoe zien. Iech meinde dat serjeus dèkser te höbbe geleze. Diech bis in dit gebeed zoewiezoe beter bekind, dus gaank gerös diene gaank. Steinbach 🦇 (euverlègk) 18 mrt 2021 20:15 (CET)[reageren]

~~Ich zal 't veur noe waal effekes ónzichbaar make.~~ d'n Insigste brón hie-euver waat ich höb is de dissertaasje van Bakkes. De anger dialekten hie blieve jaomer genóg slech besjreve :( --OosWesThoesBes (euverlègk) 18 mrt 2021 22:07 (CET)[reageren]