Everton F.C.

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

L'Everton Fótbal Club, o nomach Everton, a l'é na società 'd fótbal ëd Liverpool, un-a dle pì amportante dla Gran Brëtagna. A gieuga ant la Premier Ship, valadì la Serie A anglèisa.

Fondà dël 1878, anans dël pì famos Liverpool F.C. (nàit 14 ani pì tard pròpi mersì al fàit che ëd mémber dl'Everton a l'han chità sò club), a l'é la squadra pì veja 'd Liverpool, anté che a-i é lë stadi 'd Goodison Park: ël nòm a ven da 'n borgh che as treuva ant ël sénter ëd la sità.

An Euròpa l'Everton a l'ha vagnà na Copa dle Cope dël 1985, a l'ha vagnà neuv vire 'l tìtol ëd campion anglèis (l'ùltima dël 1986/87) e sìnch vire l'amportanta F.A. Cup.

L'Everton a l'é 'l ters club anglèis për ij pont ch'a l'ha vagnà ant la prima division anglèisa (ancheuj Premier League) fin-a da j'achit.

A l'é 'dcò l'ùnica squadra anglèisa 'd prima division che a l'é mai calà an tersa division. A l'é stàit degradà an sgonda division mach quatr vire, l'ùltima dël 1953-54.

Ij sò color a son: maja bleuva, braje bianche e caussòt bianch.

Anliure

Sit ofissial