Félix Pyat

Félix Pyat (Vierzon, 1810 – Saint-Gratien, 1889) foguèt un jornalista, un òme politic e una personalitat francesa de la Comuna de París (1871).

Après la Revolucion de 1848, lo govèrn provisòri de la Segonda Republica lo nomèt comissari dins lo departament de Char. Foguèt elegit deputat de l'Assemblada Constituenta de 1848 e reelegit en 1849. Compromés dins l'insurreccion dau 13 de junh de 1849, s'exilièt en Soïssa, Belgica e enfin a Londres. Venguèt membre de l'Internacionala en 1864.

Tornèt en França après la proclamacion de la Republica lo 4 de setembre de 1870 e venguèt deputat après leis eleccions dau 8 de febrier de 1871. Demissionèt lo 11 e venguèt membre de la Comuna lo 26 de març. Faguèt partida de la Comission Executiva puei de la Comission dei finanças e dau Comitat de Salut Public. Participèt pas a la Setmana Saunosa e s'exilièt encara a Londres. Après l'amnistia de 1880, foguèt senator dau Char en 1887 puei deputat dei Bocas de Ròse en 1888.