Facila Legolibro de K. R. C. Sturmer estas unuafoje eldonita en 1923, en amplekso de 64 paĝoj. Temas pri simple verkitaj resumoj de naŭ originalaj Esperanto-romanoj. Estas aldonita artikolo de W. Bohnson pri la literaturo de Esperanto.
„ Ĉi tiu libro enhavas resumojn de naŭ el niaj plej ŝatataj romanoj, propagandan artikolon verkitan de F. E. Wadham, L.K., kaj mirinde bonan skizon pri la Esperanta literaturo de W. B. Johnson. Ĉar la naŭ resumoj estas verkitaj de naŭ samideanoj, ili multe varias laŭ stilo kaj boneco ; sed ĉu oni povas atendi kontentigan rakonton en tri-kvarpaĝa resumo de longa romano ?
Laŭ la redaktoro “la verketo celas utili kiel unua legolibro por lernantoj,” sed ĝi taŭgas pli bone al progresintoj. Laŭ mia opinio li ne sufiĉe konsideris la malfacilaĵojn de la lernanto, kaj li ne sufiĉe redaktis la resumojn. Ekzemple, en la rerakonto de La Vila Mano mi trovis du frazojn kun kvindek kaj sesdek ses vortojn respektive ! Entute la libro estas interesa kaj vere leginda—sed mi hezitus ĝin nomi “facila.” ”
_1.jpg?lang=eo)
