Filmen Tatt av vinden
 | Denne artikkelen kan ha godt av ein språkvask |
Tatt av vinden (originaltittel Gone with the Wind) er ein amerikansk historisk, romantisk dramafilm frå 1939. Filmen er basert på romanen med same tittel av Margaret Mitchell. I hovudrollene er Clark Gable som Rhett Butler og Vivien Leigh som Scarlett O'Hara. Historia spelar seg under og etter den amerikanske borgarkrigen, men under overflata føregår det ein lidenskapeleg og spennande kjærleikshistorie.
Sjølve produksjonen av filmen vart utsett i to år sidan produsent David O. Selznick ikkje ville ha nokon andre skodespelarar enn Clark Gable i rollen som Rhett Butler. Over 1 400 kvinner skal ha vorte intervjua på jakt etter skuespillerinna som skulle spela den kvinnelege hovudrolla som Scarlett O'Hara. Det opphavlege manuset til filmen vart skrive av Sidney Howard, men den gjennomgjekk mange revisjonar av fleire ulike forfattarar før den faktisk vart filmatisert. Den opphavlege regissøren til filmen, George Cukor, fekk sparken kort tid etter at filminga hadde byrja og han vart erstatta av Victor Fleming, som i sin tur vart erstatta av Sam Wood kort tid seinare.
I 1989 vart Tatt av vinden inkludert i Library of Congress sin filmliste National Film Registry for å vera ein «kulturelt, historisk og estetisk viktig film». Filmen er blant topp ti på Lista til det amerikanske filminstituttet over dei 100 beste amerikanske filmane gjennom tidene.
Vivien Leigh i rollen som Scarlett O'Hara
Clark Gable i rollen som Rhett Butler
Leslie Howard i rollen som Ashley Wilkes
Kjelder
[endre | endre wikiteksten]- Denne artikkelen bygger på «Tatt av vinden (film)» frå Wikipedia på bokmål, den 18. september 2018.