Formigals

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Formigals
Lugar d'Aragón
Formigals
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	30 hab. (2011)
Altaria  • Meyana	680 m.
Distancia  • 110 km  • 20 km  • 5,2 km	enta Uesca enta L'Aínsa enta Tierrantona
Codigo postal	22336
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Santa Olaria
Coordenadas
Formigals Formigals en Aragón

Formigals (oficialment, en castellano, «Formigales») ye un lugar aragonés d'o municipio d'a Fueva, en a comarca de Sobrarbe y provincia de Uesca. A suya población ye de 30 habitants (2011).

Formigals se troba a 680 metros d'altaria en as garras d'a sierra de Campanué, en a man que mira ta a Fueva, de a que fa parte natural en ubicando-se en o sector mas sud-oriental. Ye aproximadament a 2,5 kilometros en sud-este de Moriello de Monclús, dende o que se i puede arribar, y a 3 kms aproximaus en norte de Troncedo, que ye o lugar mas alto de toda ista parte d'A Fueva. O barranco de Formigals naixe tansament a 1 km d'o conchunto urbano.

O lugar de Formigals o forman dos carreras principals que, de manera cuasi paralela, recorren o casco urbano y se troban en a sola plaza d'a localidat. Deseparadas bellos 50 metros, en vadeyando un barranco que ye afluent d'o río Formigals y esnavesando por unas faixetas con huertichons, se troban a ilesia con l'abadía y a Casa Palacio, que va fer parte d'o patrimonio d'os barons de Monclús, principal atractivo de Formigals. O Palacio se troba en restauración en l'anyo 2010, dimpués que s'haiga pasau en estau d'albandono muitos anyos.

A ilesia parroquial a tienen dedicada a Santa Olaria de Mérida, y corresponde con l'estilo constructivo d'o gotico tardano aragonés, de pleno sieglo XVI. A dentrada tiene una suportalada caracteristica, y a nau, de cuerpo unico, presenta una vuelta estrelada.

Demografía

Evolución demografica

1992 1994 1996 1997 1998 1999 2000 2001 2002 - - - - - - 43 42 37

2003 2004 2005 2006 2007 2008 2009 2010 2011 38 36 35 34 32 33 31 30 30

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens

• 
  Detalle d'una puerta
• 
  Ilesia parroquial de Santa Olaria.
• 
  O palacio de Formigals, que perteneixió a os barons de Monclús
• 
  Una carrera d'a localidat

Fiestas

• 8 de mayo, romería enta la ermita de Sant Miguel en o día Sant Miguel.
• 28 d'agosto, Fiesta Mayor, fendo-le honras a Sant Agostín.

Vinclos externos

• Se veigan as imáchens de Commons sobre Formigals.

• Datos: Q8962028
• Multimedia: Formigales / Q8962028